குன்னூர்,
சுற்றுலாத்துறை அமைச்சர் ராமச்சந்திரன் வருகிற 5-ந்தேதி குன்னூர் எம்.எல்.ஏ அலுவலகத்துக்கு வருகிறார். அங்கு அவர் பொதுமக்களை சந்தித்து பேச உள்ளார். இந்த சந்திப்பானது காலை 10 மணி முதல் மதியம் 1 மணி வரை நடக்க உள்ளது. இதில் பொதுமக்களிடம் இருந்து கோரிக்கைகள் அடங்கிய மனுக்களும் பெறப்பட உள்ளது.
எனவே சட்டமன்ற தொகுதிக்கு உட்பட்ட பகுதியில் வசிக்கும் பொதுமக்கள், தங்களின் குறை மற்றும் தேவைகளை மனுக்களாக எழுதி, குன்னூர் அய்யப்பன் கோவில் அருகில் உள்ள சட்டமன்ற அலுவலகத்தில் நேரடியாக வந்து கொடுக்கலாம் என்று தெரிவிக்கப்பட்டு உள்ளது.
