ஓமலூர்:
ஓமலூரை அடுத்த புளியம்பட்டி காலனியை சேர்ந்தவர் பெருமாள் (வயது 49). இவருக்கு தீபா என்கிற மனைவியும், 2 மகன்களும், 4 மகள்களும் உள்ளனர். இவர் கோட்டை மாரியம்மன் கோவில் ஊராட்சியில் டேங்க் ஆபரேட்டராக வேலை பார்த்து வந்தார். இவருக்கு மது குடிக்கும் பழக்கம் இருந்து வந்ததாக கூறப்படுகிறது. இதனால் உடல்நிலை பாதிக்கப்பட்ட அவர், ஆஸ்பத்திரியில் சிகிச்சை பெற்றார். இந்தநிலையில் உடல்நிலை குணமாகாததால், அவர் விஷம் குடித்தார். அவரை உறவினர்கள் மீட்டு சிகிச்சைக்காக ஓமலூர் ஆஸ்பத்திரியில் சேர்த்தனர். ஆனால் சிகிச்சை பலனின்றி பெருமாள் பலியானார். இது குறித்து போலீசார் வழக்குப் பதிவு செய்து, விசாரணை நடத்தி வருகிறார்கள்.
