கிருஷ்ணகிரி,
கிருஷ்ணகிரி மாவட்டம், மத்திகிரி அருகே ஓசூர்-கெலமங்கலம் சாலையில் கேரளா மாநிலம், வாலியவரம்பு பகுதியை சேர்ந்த அஜித் (வயது27) என்பவர் கார்மெண்ஸ் நடத்தி வருகிறார். இந்த கடையின் அருகே அவரும் வசித்து வந்தார்.
கடந்த 27-ந்தேதி அன்று அஜித்தின் வீட்டிற்குள் மர்ம நபர்கள் 3 பேர் புகுந்தனர். அங்கு அவரிடம் இருந்து 34 ஆயிரம் பணம், ஏ.டி.எம். கார்டு என மொத்தம் 57 ஆயிரம் பணம் ஆகியவை திருடிவிட்டனர். மேலும் விலையுயர்ந்த சாம்சங் டேப், மொபைல் என 25 ஆயிரம் மதிப்புள்ள பொருட்களையும் திருடிவிட்டனர். பின்னர் அஜித்தை சரமாரியாக அந்த நபர்கள் தாக்கியுள்ளனர்.
இது குறித்து அஜித் மத்திகிரி போலீசில் புகார் கொடுத்தார். அந்த புகாரின் பேரில் போலீசார் வழக்குபதிவு செய்து விசாரணை நடத்தி வருகின்றனர்.
