என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
மதுரை மாவட்ட கண்மாய், குளங்களுக்கு நீர்வரத்து அதிகரிப்பு
- மதுரை மாவட்ட கண்மாய், குளங்களுக்கு நீர்வரத்து அதிகரித்துள்ளது.
- சில இடங்களில் மரங்கள் ஒடிந்து விழுந்தன. மின்சாரமும் துண்டிக்கப்பட்டது.
மதுரை
மதுரை மாவட்டத்தில் சில நாட்களாக மாலை நேரங்களில் பரவலாக இடி-மின்னலுடன் பலத்த மழை பெய்து வருகிறது. நேற்று பெய்த கனமழை காரணமாக மதுரை மாவட்டம் முழுவதும் அனைத்து பகுதிகளிலும் மழை நீர் வெள்ளமாக ஓடியது. முக்கிய சாலைகள் மற்றும் ரோடுகளில் மழை நீர் பெருக்கெடுத்தது. சில இடங்களில் மரங்கள் ஒடிந்து விழுந்தன. மின்சாரமும் துண்டிக்கப்பட்டது.
குண்டும், குழியுமான சாலைகளில் மழைநீர் தேங்கியதால் வாகன ஓட்டிகள் அவதிக்கு உள்ளானார்கள். பி.பி. குளம், தபால்தந்தி நகர், செல்லூர், ஜெய்ஹிந்துபுரம், ஆரப்பாளையம், பழங்காநத்தம் உள்ளிட்ட பகுதிகளில் குண்டு குழியுமான சாலைகளில் மழைநீர் தேங்கியதால் அந்த பகுதிகளை கடக்க முடியாமல் வாகன ஓட்டிகள் சிரமம் அடைந்தனர்.
தொடர் மழை காரணமாக மதுரை மாவட்டத்தில் உள்ள கண்மாய்கள், குளங்களுக்கு நீர்வரத்து அதிகரித்துள்ளது. பெரும்பாலான கண்மா ய்களுக்கு அதிக அளவில் தண்ணீர் வருவதால் முழுமையாக நிரம்பி வருகிறது. அந்த பகுதிகளில் விவசாய பணிகளும் தீவிரமடைந்துள்ளன.
சோழவந்தான், அலங்காநல்லூர், கள்ளந்திரி, கடச்சனே ந்தல்,மேலூர், குலமங்கலம் பகுதிகளில் நெல் நடவு பணிகளும் தீவிர மடைந்துள்ளன. இந்த மழையால் காய்கறி விவசாயமும் அதிகரித்துள்ளது.
மதுரை மார்க்கெ ட்டுகளில் காய்கறி வரத்து அதிகரித்து விலையும் கணிசமாக குறைந்துள்ளது. சில மாதங்களுக்கு முன்பு 140 ரூபாய் வரை விற்கப்பட்ட தக்காளி அதிக மகசூல் காரணமாக தற்போது கிலோ 15 ரூபாய்க்கு விற்கப்படுகிறது.
அதுபோல நாட்டு காய்கறிகளான கத்திரி க்காய், வெண்டை, சீனி அவரை, மிளகாய் உள்ளிட்ட காய்கறிகளின் விலையும் குறைந்துள்ளன.
மதுரை மாவட்டத்தில் நேற்று மாலை 566 மில்லி மீட்டர் மழை கொட்டியது. ஒவ்வொரு பகுதியிலும் பெய்த மழை அளவு (மில்லி மீட்டரில்) வருமாறு:-
சிட்டம்பட்டி-32, கள்ளந்திரி-49, தனியாமங்கலம்-22, மேலூர்-30, சாத்தையாறு அணை- 56, வாடிப்பட்டி -56, திருமங்கலம்-6, உசிலம்பட்டி -13, மதுரை வடக்கு -17, தல்லாகுளம் -19, விரகனூர் -11, விமான நிலையம்- 11, இடையபட்டி -41, சோழவந்தான் -16, மேட்டுப்பட்டி-46, கள்ளிக்குடி -22.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்