கழிவு நீர் வாய்கால்கள் தூர்வாரும் பணி

கரூர்:

கரூர் மாவட்டத்தில் கடந்த ஒரு வாரமாக அவ்வப்போது மழை பெய்து வருகிறது. கரூர் மாநகராட்சிக்கு உட்பட்ட 9-வது வார்டில் உள்ள குளத்து பாளையம், திட்ட சாலை, பெரியார் காலனி, பிள்ளையார் கோவில் தெரு, சந்தை உட்பட பல்வேறு பகுதிகளில் கழிவுநீர் வாய்க்கால்களில் பிளாஸ்டிக் கழிவுகள் உள்ளிட்டவையால் அடைப்பு ஏற்பட்டு கழிவுநீருடன் மழை நீர் வெளியேறியதால் அப்பகுதியில் துர்நாற்றம் வீசியது. இது குறித்து தகவல் அறிந்த கரூர் மாநகராட்சியின் 9-வது வார்டு மாமன்ற உறுப்பினரும், கரூர் வடக்கு நகர காங்கிரஸ் தலைவருமான ஸ்டீபன் பாபு கழிவுநீர் வெளியேறிய பகுதிகளை பார்வையிட்டு அதனை மாநகராட்சியின் சிறிய பொக்லைன் இயந்திரம் வரவழைத்து உடனடியாக தீர்வு காணப்பட்டது. இதனை அடுத்து அப்பகுதி பொதுமக்கள் கழிவுநீர் கால்வாய்களை சரி செய்து கொடுத்த மாநகராட்சி உறுப்பினர் ஸ்டீபன் பாபு க்கு நன்றி கூறினர்