கரூர்:
கரூர் மாவட்டத்தில் உள்ள 7 ஊராட்சி வார்டு உறுப்பினர் பதவிக்கான தேர்தலில் 5 பேர் போட்டியின்றி தேர்வான நிலையில் க.பரமத்தி ஊராட்சி ஒன்றியம் புன்னம் ஊராட்சி 3வது வார்டு உறுப்பினர் பதவிக்கான தேர்தல் ஆலாம்பாளையம் ஊராட்சி ஒன்றிய தொடக்கப் பள்ளி மற்றும் கிருஷ்ணராயபுரம் ஊராட்சி ஒன்றியம் வீரியபாளையம் 7வது வார்டு உறுப்பினர் பதவிக்கு வெள்ளையக்கவு ண்டன்பட்டி ஊராட்சி ஒன்றியத் தொடக்கப் பள்ளியிலும் நடைபெற்றது.
புன்னம் ஊராட்சி 3வது வார்டு உறுப்பினர் பதவிக்கு 3 வேட்பாளர்கள் போட்டியிட்டனர். 206 ஆண்கள், 230 பெண்கள் என மொத்தம் 436 வாக்காளர்கள் உள்ளனர். வாக்குபதிவு காலை 7 மணிக்கு தொடங்கியது. மதிய வேளையில் ஒரு குறிப்பிட்ட வேட்பாளருக்கு ஆதரவாக ஒருவர் அடிக்கடி உள்ளே வருவதாக கூறி ஏஜண்ட் ஒருவர் புகார் கூறி வாக்குவாதத்தில் ஈடுபட்டதால் சிறிது நேரம் பரபரப்பு ஏற்பட்டது. 146 ஆண்கள், 171 பெண்கள் என மொத்தம் 317 என 72.70 சதவீத வாக்குகள் பதிவாகியுள்ளது.
வாக்குபெட்டி க.பரமத்தி ஊராட்சி ஒன்றிய அலுவலகத்தில் பாதுகாப்பாக வைக்கப்பட்டு அந்த அறைக்கு சீல் வைக்கப்பட்டுள்ளது. துப்பாக்கி ஏந்திய போலீசார் பாதுகாப்பு பணிகளில் ஈடுபட்டு வருகின்றனர். கிருஷ்ணராயபுரம் ஊராட்சி ஒன்றியம் வீரியபாளையம் 7வது வார்டு உறுப்பினர் பதவிக்கு 2 பேர் போட்டியிட்ட நிலையில் மொத்தமுள்ள 252 வாக்குகளி 186 வாக்குகள் என 73.60 சதவீத வாக்குகள் பதிவாகின. நாளை மறுநாள் (ஜூலை 12) வாக்குகள் எண்ணப்பட்டு முடிவுகள் அறிவிக்கப்படும்.
