காஞ்சிபுரம்

மதுராந்தகம்:

மதுராந்தகம் மற்றும் சுற்றுப்புற பகுதியை சேர்ந்தவர்கள் ஏராளமானோர் சென்னை மற்றும் புறநகர் பகுதிகளில் அரசு, தனியார் நிறுவனங்களில் வேலை பார்த்து வருகிறார்கள்.

அவர்கள் தினமும் காலையில் மதுராந்தகம் ரெயில் நிலையத்தில் இருந்து முத்துநகர், அனந்தபுரி, ராமேஸ்வரம், விழுப்புரம் பாசஞ்சர் மற்றும் எக்ஸ்பிரஸ், பாண்டிச்சேரி ரெயில்களில் சென்னைக்கு செல்வது வழக்கம்.

கடந்த சில நாட்களாக தாமதமாக வரும் ரெயில்களில் அவர்கள் சரியான நேரத்துக்கு பணிக்கு செல்ல முடியாத நிலை ஏற்பட்டது. இதுபற்றி பயணிகள் ரெயில் நிலைய அதிகாரிகளிடம் கேட்டபோது சரியாக கூறவில்லை.

இந்த நிலையில் இன்று காலை 6 மணி அளவில் மதுராந்தகம் ரெயில் நிலையத்துக்கு வரவேண்டிய முத்துநகர் எக்ஸ்பிரஸ் ரெயில் தாமதமாக வருவதாக ரெயில் நிலையத்தில் அறிவித்தனர். இதனால் ரெயிலுக்காக காத்திருந்த பயணிகள் ஆத்திரம் அடைந்தனர். திடீரென அவர்கள் தண்டவாளத்தில் அமர்ந்து மறியலில் ஈடுபட்டனர்.

அதிர்ச்சி அடைந்த ரெயில் நிலைய ஊழியர்கள் 7 மணி அளவில் தாமதமாக வந்த முத்துநகர் எக்ஸ்பிரஸ் ரெயில் டிரைவருக்கு தகவல் தெரிவித்தனர்.

இதையடுத்து மதுராந்தகம் ரெயில் நிலையத்தில் இருந்து சுமார் 500 மீட்டர் தூரத்துக்கு முன்பே ரெயில் நிறுத்தப்பட்டது. இதனால் மதுராந்தகம் ரெயில் நிலையத்தில் இறங்க வேண்டிய பயணிகள் தவித்தனர்.

பயணிகளின் மறியல் போராட்டம் பற்றி அறிந்ததும் ரெயில் நிலைய அதிகாரிகள் விரைந்து வந்து பேச்சுவார்த்தை நடத்தினார். இதையடுத்து பயணிகள் போராட்டத்தை கைவிட்டனர்.

இதையடுத்து முத்துநகர் எக்ஸ்பிரஸ் மேலும் சுமார் ½ மணி நேரம் தாமதமாக சென்னை நோக்கி புறப்பட்டு சென்றது. பயணிகள் புலம் பியபடி அதே ரெயிலில் ஏறிச் சென்றனர்.

ஆலந்தூர்:

மலேசியாவில் இருந்து சென்னைக்கு இன்று காலை பயணிகள் விமானம் வந்தது. அதில் வந்த பயணிகளிடம் சுங்கதுறை அதிகாரிகள் சோதனை செய்தனர். ஆந்திராவைச் சேர்ந்த பத்மாவை சோதனை செய்தபோது அவர் உள்ளாடையில் மறைத்து ½ கிலோ தங்கம் கடத்தி வந்தது தெரிய வந்தது. இதன் மதிப்பு ரூ. 15 லட்சம் ஆகும்.

இதையடுத்து தங்கத்தை பறிமுதல் செய்து பத்மாவை போலீசார் கைது செய்தனர். அவரிடம் விசாரணை நடந்து வருகிறது.

ஆலந்தூர்:

பழவந்தாங்கல் பாலாஜி நகர் 6-வது தெருவில் வசித்து வருபவர் தங்க ஜெயம். இவரது மகள் அதே பகுதி ஏ.ஜி.ஆர். காலனியில் உள்ள ஆஸ்பத்திரியில் சிகிச்சை பெற்று வருகிறார்.

நேற்று மாலை தங்கஜெயம் தனது மகளை பார்த்துவிட்டு வீட்டுக்கு நடந்து வந்தார். பாலாஜி நகர் அருகே வந்த போது பின்னால் வந்த மர்ம வாலிபர் திடீரென தங்கஜெயம் அணிந்திருந்த 6 பவுன் நகையை பறித்தான்.

பின்னர் அவன் அதே தெருவில் தயாராக நின்ற சொகுசு காரில் ஏறி தப்பி சென்று விட்டான்.

இதுகுறித்து பழவந்தாங்கல் போலீசில் புகார் செய்யப்பட்டது. போலீசார் வழக்குப்பதிவு செய்து விசாரணை நடத்தி வருகிறார்கள்.

கடந்த சில நாட்களுக்கு முன்பு பட்டினப்பாக்கத்தில் கொள்ளையனை விரட்டி சென்ற ஆசிரியை நந்தினி மொபட்டில் இருந்து விழுந்து பலியானார். இதன் பின்னர் போலீசார் தீவிர கண்காணிப்பில் ஈடுபட்ட னர்.

தற்போது கொள்ளையர்கள் சொகுசு காரில் வந்து நகை பறித்து செல்லும் புதிய பாணியில் ஈடுபட்டுள்ளனர். இச்சம்பவம் போலீசாரிடையே அதிர்ச்சியை ஏற்படுத்தியுள்ளது.

இதுபற்றி அப்பகுதி மக்கள் கூறும் போது, நகை, கொள்ளை வழக்குகளில் கைது செய்யப்படுபவர்கள் மீது போலீசார் கடுமை நடவடிக்கை எடுக்க வேண் டும். மோட்டார் சைக்கிளில் வந்து கைவரிசை காட்டும் கொள்ளையர்கள் இப்போது சொகுசு காரிலும் வந்து நகை பறிப்பிலும் ஈடுபடுகிறார்கள் என்றனர்.