காஞ்சிபுரம்

ஸ்ரீபெரும்புதூர்:

தாம்பரத்தை அடுத்த படப்பை பெரியார் நகரை சேர்ந்தவர் தனசேகரன். இவர் படப்பை ஊராட்சி 6-வது வார்டு கவுன்சிலராகவும், ஊராட்சி தி.மு.க. இளை ஞர் அணி செயலாளராகவும் இருந்தார்.

நேற்று காலை அவர் அதே பகுதி டேவிட் நகரில் உள்ள தேவாலயத்துக்கு சென்றார். அப்போது மர்ம கும்பல் அவரை ஓட ஓட விரட்டி தேவாலய வளாகத்திலேயே வெட்டிக் கொன்றனர்.

இது குறித்து மணிமங்கலம் போலீசார் வழக்குப்பதிவு செய்து விசாரணை நடத்தி வருகிறார்கள்.

கொலையுண்ட தனசேகரன் லாரி மற்றும் ஜே.சி.பி. எந்திரங்களை வைத்து சவுடு மண் குவாரி எடுத்து நடத்தி வந்தார். இதில் ஏற்பட்ட மோதலில் கொலை நடந்து இருக்கலாம் என்று போலீசார் விசாரணையை தொடங்கினர்.

இதற்கிடையே தனசேகரனின் உறவினர்கள் 2 பேரை போலீசார் பிடித்து விசாரித்து வருகிறார்கள். உள்ளாட்சி தேர்தலில் மீண்டும் தனசேகரன் போட்டியிட முடிவு செய்து இருந்தார்.

இதிலும் சிலருடன் தகராறு ஏற்பட்டு இருக்கிறது. எனவே உள்ளாட்சி தேர்தல் தகராறில் கொலை நடந்ததா? என்று உறவினர்களிடம் விசாரணை நடக்கிறது.

கொலையில் ஈடுபட்டது கூலிப்படையினர் என்று தெரியவந்துள்ளது. அவர்களை பிடிக்க தனிப்படை போலீசார் விசாரணை நடத்தி வருகிறார்கள்.

தாம்பரம்:

தாம்பரத்தை அடுத்த படப்பை பெரியார் நகரில் வசித்து வந்தவர் தனா என்கிற தனசேகரன் (வயது 31). படப்பை ஊராட்சி 6-வது வார்டு உறுப்பினராகவும், ஊராட்சி தி.மு.க. இளைஞரணி செயலாளராகவும் இருந்தார்.

இவரது மனைவி டெல்சி. இவர்களுக்கு 2 மகன்கள் உள்ளனர். தனசேகரன் ஞாயிற்றுக்கிழமை தோறும் காலையில் அதே பகுதி டேவிட் நகரில் உள்ள கிறிஸ்தவ ஆலயத்துக்கு வழிபாட்டுக்கு செல்வது வழக்கம்.

இன்று காலை தனசேகரனின் மனைவி மற்றும் 2 மகன்களும் முன்கூட்டியே தேவாலயத்துக்கு சென்று விட்டனர். பின்னர் தனசேகரன் மட்டும் தனியாக மோட்டார் சைக்கிளில் தேவாலயத்துக்கு சென்றார்.

தேவாலயம் முன்பு அவரது நண்பர் ஒருவர் நின்றார். அவரிடம் தனசேகரன் பேசிக் கொண்டு இருந்தார். அப்போது அரிவாள், கத்தி போன்ற பயங்கர ஆயுதங்களுடன் 6 பேர் கும்பல் அங்கு வந்தனர். அவர்கள் தனசேகரனை மட்டும் சுற்றி வளைத்தனர்.

அதிர்ச்சி அடைந்த அவர் கொலைக் கும்பலிடம் இருந்து தப்பிக்க தேவாலயத்துக்குள் ஓடினார். விரட்டிச் சென்ற கும்பல் தனசேகரனை சுற்றி வளைத்து சரமாரியாக வெட்டினர்.

தலை, கழுத்து, முதுகில் பலத்த காயம் அடைந்த அவர் ரத்த வெள்ளத்தில்கீழே சரிந்தார். சிறிது நேரத்தில் தனசேகரன் துடிதுடித்து பரிதாபமாக இறந்தார்.

இதனை கண்டு தேவாலயத்துக்கு வந்த பொதுமக்கள் அதிர்ச்சியில் அலறியடித்து ஓட்டம் பிடித்தனர். அலறல் சத்தம் கேட்டு பிரார்த்தனையில் ஈடுபட்டவர்கள் அனைவரும் வெளியே வந்தனர்.

அப்போது பொது மக்கள் சிலர் கொலை கும்பலை பிடிக்க முயன்றார். உடனே மர்ம கும்பல் அரிவாளை காட்டி மிரட்டினர். யாராவது பிடிக்க முயன்றால் வெட்டி கொன்று விடுவதாக தெரிவித்தனர்.

இதை தொடர்ந்து கொலை கும்பல் சர்வசாதாரணமாக அங்கிருந்து தப்பி சென்று விட்டனர்.

இதுகுறித்து மணிமங்கலம் போலீசுக்கு தகவல் தெரிவிக்கப்பட்டது. போலீசார் விரைந்து வந்து உடலை கைப்பற்றி விசாரணை நடத்தினர். தனசேகரனின் உடல் பிரேத பரிசோதனைக்காக குரோம்பேட்டை அரசு ஆஸ்பத்திரிக்கு அனுப்பி வைத்தனர்.

கொலையுண்ட தனசேகரன் சொந்தமாக லாரி வைத்து தொழில் செய்து வருகிறார். மேலும் சவுடு மண் குவாரி எடுத்தும் தொழில் செய்தார்.

இதில் சிலருடன் அவருக்கு மோதல் இருந்து வந்ததாக தெரிகிறது. எனவே தொழில் போட்டியில் தனசேகரன் கொலை செய்யப்பட்டு இருக்கலாம் என்ற போலீசார் சந்தேகிக்கிறார்கள்.

நடைபெற உள்ள உள்ளாட்சி தேர்தலில், அவர் வெற்றி பெற்ற 6-வது வார்டில் மீண்டும் போட்டியிட முடிவு செய்து இருந்தார். நாளை தனசேகரன் வேட்பு மனுதாக்கல் செய்ய இருந்ததாக தெரிகிறது.

இதையடுத்து உள்ளாட்சி தேர்தல் தகராறில் இந்த கொலை நடந்ததா? என்ற கோணத்திலும் விசாரணை நடக்கிறது.

கொலையாளிகள் அனைவரும் 20 வயதுக்குட்பட்ட வாலிபர்கள் ஆவர். அவர்கள் கூலிப்படையாக இருக்கலாம் என்று தெரிகிறது. கொலையாளிகளை பிடிக்க தனிப்படை அமைக்கப்பட்டு உள்ளது.

தனசேகரன் கொலை செய்யப்பட்ட போது, அவரது மனைவி டெல்சி 2 மகன்களுடன் அருகில் உள்ள மற்றொரு தேவாலயத்தில் வழிபாட்டில் இருந்தார். கணவர் கொலை செய்யப்பட்டது அறிந்ததும் அவர் குழந்தைகளுடன் உடலை பார்த்து கதறி அழுதது பார்க்க பரிதாபமாக இருந்தது.

பட்டப்பகலில் தி.மு.க. கவுன்சிலர் வெட்டி கொலை செய்யப்பட்ட சம்பவம் படப்பை பகுதியில் பரபரப்பை ஏற்படுத்தி உள்ளது. ஏராளமான போலீசார் பாதுகாப்புக்காக குவிக்கப்பட்டு உள்ளனர்.

காஞ்சீபுரம்:

காஞ்சீபுரம் நகராட்சி, வாலாஜாபாத் பேரூராட்சி மற்றும் ஊராட்சி ஒன்றியங்களில் அமைக்கப்பட்டு வரும் வாக்கு எண்ணிக்கை மையங்களை காஞ்சீபுரம் கலெக்டர் கஜலட்சுமி நேரில் பார்வையிட்டு ஆய்வு மேற் கொண்டார்.

அப்போது அவர் வாக்கு பெட்டிகள் வைக்கப்படும் அறைகளின் பாதுகாப்பு, வாக்கு சீட்டுகள் பிரித்து எண்ணுவதற்கான ஏற்பாடுகள் மற்றும் வாக்கு எண்ணிக்கை கூடங்களை பார்வையிட்டார்.

பாதுகாப்பு ஏற்பாடுகள் குறித்து அதிகாரிகளிடம் ஆலோசணை மேற் கொண்டார். மேலும் வாக்காளர்களின் எண்ணிக்கை அடிப்படையில் வாக்குகளை பிரித்தெடுக்கும் பணிக்கு ஆகும் நேரத்தினை கணக்கில் கொண்டு பணியினை விரைவாக முடிக்க ஏற்றவகையில் வாக்கு எண்ணிக்கை கூடத்தினை அமைக்க வேண்டும் என அறிவுறுத்தினார்.

ஆய்வின் போது மாவட்ட ஊரக வளர்ச்சி முகமை திட்ட இயக்குனர் ஜெயக்குமார், தேர்தல் நடத்தும் அலுவலர் தமிழ் செல்வி, வாலாஜாபாத் தாசில்தார் சீதாலட்சுமி, வட்டார வளர்ச்சி அலுவலர் செல்வி, நகராட்சி கமிஷ்னர் சேகர் உள்ளிட்ட அதிகாரிகள் உடனிருந்தனர்.