உத்திரமேரூரில் நகைக்கடை உள்பட 6 இடங்களில் வருமான வரி சோதனை

காஞ்சீபுரம்:

காஞ்சீபுரத்தை அடுத்த உத்திரமேரூர் பஜாரில் ஏராளமான கடைகள் உள்ளன.

நேற்று மாலை அப்பகுதியில் உள்ள சரவணா பாத்திரக்கடை, விமலா ஜூவல்லர்ஸ், பாலாஜி டைல்ஸ், பாரஸ் ஜூவல்லரி மற்றும் 2 கடைகள் உள்பட 6 இடங்களில் வருமான வரித்துறையினர் திடீர் சோதனை நடத்தினர்.

சென்னை, காஞ்சீபுரத்தில் இருந்து வந்திருந்த வருமான வரித்துறை அதிகாரிகள் மொத்தம் 20 பேர் தனித்தனி குழுவாக 6 கடைகளிலும் ஒரே நேரத்தில் சோதனை மேற்கொண்டனர்.

அவர்கள் கடையில் இருந்த ஊழியர்கள், வாடிக்கையாளர்களை வெளியேற்றி ஆவணங்களை சரி பார்த்தனர்.

ஒரே நேரத்தில் 6 கடைகளில் வருமான வரித்துறையினர் சோதனை நடத்தியதால் அப்பகுதியில் பரபரப்பு ஏற்பட்டது.

இந்த சோதனை நள்ளிரவு 11 மணி வரை நீடித்தது. இதில் முக்கிய ஆவணங்கள் கைப்பற்றப்பட்டதாக அதிகாரிகள் தெரிவித்தனர்.