கிருஷ்ணகிரி,
கிருஷ்ணகிரி மாவட்ட வேலைவாய்ப்பு அலுவலகத்தில் மத்திய அரசு பணியாளர் தேர்விற்கு விண்ணப்பிக்க சேவை மையம் தொடங்கப்பட்டுள்ளது. மேலும், இத்தேர்விற்கான இலவச பயிற்சி வருகிற 10-ந் தேதி தொடங்குகிறது.
இது குறித்து மாவட்ட வேலைவாய்ப்பு அலுவலர் கவுரிசங்கர் வெளியிட்டுள்ள செய்திக்குறிப்பில் கூறியிருப்பதாவது:-
மத்திய பணியாளர் தேர்வாணையம் பணிக்கான 12,523 காலி பணியிடங்களுக்கான தேர்வு அறிவிப்பானை வெளியிட்டுள்ளது. இந்த தேர்விற்கு 10-ம் வகுப்பு தேர்ச்சி பெற்றவர்கள், இணையதளம் மூலம் விண்ணப்பிக்கலாம். விண்ணப்பம் செய்ய கடைசிநாள் வருகிற 17-ந் தேதி ஆகும்.
