ஈரோடு

ஈரோடு:

தமிழக காங்கிரஸ் தலைவர் திருநாவுக்கரசர் இன்று ஈரோடு வந்தார். அவர் நிருபர்களுக்கு பேட்டி அளித்தார்.

மறைந்த முதல்-அமைச்சர் ஜெயலலிதா மற்றும் சோ ஆகியோர் மறைவுக்கு காங்கிரசார் சார்பிலும் ஆழ்ந்த இரங்கலையும் வருத்தத்தையும் தெரிவித்துக் கொள்கிறேன்.

500 மற்றும் 1000 ரூபாய் செல்லாது என அறிவிக்கப் பட்டதினால் விவசாயிகள், வியாபாரிகள் பொதுமக்கள் மற்றும் கிராமப்புற மக்கள் மிகவும் பாதிக்கப்பட்டுள்ளனர். இந்த பிரச்சினை இன்னும் 50 நாளில் சரியாகி விடும் என்று பிரதமர் மோடி கூறி உள்ளார். ஆனால் நிதி மந்திரி அருண் ஜெட்லி 6 மாதம் ஆகும் என்கிறார்.

இந்த பிரச்சினையில் மத்திய அரசு உடனடியாக போர்க்கால நடவடிக்கை எடுத்து அனைத்து தரப்பினரையும் பாதிக்காத வகையில் உரிய நடவடிக்கை எடுக்க வேண்டும். ரூ.500, 1000 செல்லாது என அறிவிக்கப்பட்டு பொதுமக்கள் மிகவும் பாதிக்கப்பட்டுள்ள நிலையில் இதற்கான உரிய விலையை தேர்தலின் போது பா. ஜனதா சந்திக்கும்.

வறட்சியால் தமிழ்நாட்டின் பல்வேறு மாவட்டங்கள் பாதிக்கப்பட்டு உள்ளன. இதனால் விவசாயிகள் பலர் தற்கொலை செய்து உள்ளனர். எனவே அவர்களின் குடும்பத்துக்கு தமிழக அரசு தலா ரூ 10 லட்சம் நிவாரணம் கொடுக்க வேண்டும். மேலும் விவசாயிகளின் கடனை தள்ளுபடி செய்ய வேண்டும்.

முதல்-அமைச்சர் பன்னீர்செல்வம் ஏற்கனவே 2 முறை இடைக்கால முதல்வராக பணியாற்றி உள்ளார். இப்போது முதன் முறையாக முழுமையான முதல்- அமைச்சராக பொறுப்பேற்று உள்ளார். எனவே அவர் மக்களுக்கான நல்ல திட்டங்களை செயல் படுத்துவதுடன் தமிழ்நாட்டில் தொழில் வளர்ச்சி மின் உற்பத்தி ஆகியவற்றின் வளர்ச்சிக்கு நடவடிக்கை எடுப்பதுடன் சட்டம்-ஒழுங்கையும் பாதுகாக்கும் அரசாக இருக்க வேண்டும். லஞ்சம்-ஊழல் இல்லாத அரசாக செயல்பட்டு வேகமாக செயல்பட வேண்டும்.

காமராஜர், எம்.ஜி.ஆர் ஆகியோர் வாழ்ந்த வீடுகளை நினைவு இல்லமாக ஆக்கியது போல ஜெயலலிதா வாழ்ந்த வீட்டையும் நினைவு இல்லமாக மாற்ற வேண்டும். மக்களுக்காகவே நான்.. என்று மக்களுக்காக வாழ்ந்த அவரது வீட்டை நினைவு இல்லமாக ஆக்குவதுடன் அவர் நடித்தபோது பெற்ற பரிசுகள் முதல்-அமைச்சராக இருந்தபோது அவர் பெற்ற பரிசுகள் போன்றவற்றை நினைவிடத்தில் வைத்து, எதிர்காலத்தில் அவரை பற்றி பொதுமக்கள் அறியும் வகையில் நடவடிக்கை எடுக்க வேண்டும்.

அ.தி.மு.க. உடையும் என்று சுப்பிரமணியசாமி சொல்லி இருப்பது அவரது சொந்த கருத்து மேலும் அது பற்றி பதில் சொல்ல விரும்பவில்லை. அ.தி.மு.க. பொதுச்செயலாளராக யார் வருவார்? என்பது அவர்களது உள்கட்சி பிரச்சினை.

ஒரு வாரம் ஜெயலலிதா மறைவுக்கு துக்கம் அனுசரிக்கப்படுகிறது. இதன் பிறகு அந்த கட்சி செயற்குழு, பொதுக்குழு கூடி பொதுச்செயலாளரை தேர்ந்தெடுப்பார்கள். நான் அ.தி.மு.கவினால் வளர்க்கப்பட்டவன். அந்த கட்சியை வளர்க்கவும் பாடு பட்டு உள்ளேன். எனவே சுப்பிரமணியசாமி கருத்துக்கு பதில் சொல்ல விரும்பவில்லை.

பாரதீய ஜனதா கட்சி வளர்ந்து வருவதாக கூறப்படுவதை ஏற்றுக்கொள்ள முடியாது. அந்த கட்சியை தமிழக மக்கள் ஏற்றுக்கொள்ள மாட்டார்கள்.

அகில இந்திய காங்கிரஸ் துணைத்தலைவர் ராகுல் காந்தி கூட்டணி பற்றியோ கூட்டணி தலைவர்களை சந்திப்பதற்கோ தமிழகம் வரவில்லை. உடல்நலம் பாதிக்கப்பட்டிருந்த ஜெயலலிதாவை சந்திப்பதற்கு ஒரு முறையும், இப்போது அவர் இறந்ததற்கு அஞ்சலி செலுத்தும் வகையிலும்தான் வந்துள்ளார். எனவே தி.மு.க. தலைவர் கருணாநிதி உடல் நலம் இல்லாமல் அனுமதிக்கப்பட்டபோது பார்க்கவில்லை என்று கூறுவது தவறான கருத்தாகும்.

காங்கிரசில் கோஷ்டி என்பது இல்லை. காங்கிரசில் உள்ள எல்லா தலைவர்களும் கருத்து வேறுபாடு இல்லாமல் ஒற்றுமையாக செயல்படுகிறோம். தமிழக பா.ஜ.க.தலைவர் தமிழிசை சவுந்தரராஜன் என்னுடன் விவாதம் நடத்த தயாரா? என்று கேட்டுள்ளார். அவர் முதலில் தந்தையான காங்கிரசில் இருக்கும் குமரி ஆனந்தனிடம் விவாதம் அளித்து விட்டு பிறகு என்னுடன் விவாதம் நடத்த வரலாம்.

உள்ளாட்சி தேர்தலில் தி.மு.க.வுடன்தான் கூட்டணி பற்றி பேச்சு நடத்துவோம்.

ஜெயலலிதா மரணம் பற்றி பல்வேறு கருத்துக்கள் சொல்லப்படுகிறது.

இந்த வி‌ஷயத்தில் அவரை பற்றி கொச்சைப்படுத்தவோ வீண் புரளியை பரப்பவோ வேண்டாம் என்று கேட்டுக் கொள்கிறேன்.

இவ்வாறு திருநாவுக்கரசர் கூறினார்.

முன்னதாக ரெயில் மூலம் ஈரோடு வந்த தமிழக காங்கிரஸ் தலைவர் திருநாவுக்கரசுக்கு ஈரோடு மாநகர மாவட்ட காங்கிரஸ் தலைவா ரவி, வடக்கு மாவட்ட தலைவர் சரவணன், முன்னாள் எம்.எல்.ஏ ஆ£ எம் பழனிச்சாமி, பள்ளி பாளையம் பி.டி. தனகோபால், திருப்பூர் புறநகாமாவட்ட முன்னாள் பொறுப்பாளா தென்னரசு, வக்கீல் வி.என்.சுப்பிரமணியம், முத்துக்குமார், மொடக்குறிச்சி மோகன் குமார மங்கலம், சேலம் மேகநாதன், சேலம் மாநகா மாவட்ட தலைவர் மேகநாதன், வேலம்பாளையம் கிழக்கு மாவட்ட தலைவா பொயசாமி, விவசாய அணி மாநில பொது செயலாளா மக்கள் ராஜன், கிரி ரவிச்சந்திரன் மற்றும் பலர் சிறப்பான வரவேற்பு கொடுத்தனர்.

ஈரோடு:

ஈரோடு மாவட்டம் ஆப்பக்கூடல் அருகே உள்ள கூத்தம்பூண்டியை சேர்ந்தவர் கந்தாயி (வயது 61). மறைந்த முன்னாள் முதல்-அமைச்சர் ஜெயலலிதா மீது மிகுந்த பற்று கொண்டவர். தமிழக அரசின் முதியோர் பென்சன் பணம் பெற்று வந்தார்.

ஜெயலலிதா மறைவு செய்தியை டி.வி.யில் பார்த்து கொண்டிருந்தார். அவரது இறுதி ஊர்வலம் நிகழ்ச்சியை டி.வி.யில் பார்த்த கந்தாயி மிகவும் வேதனை அடைந்தார்.

டி.வி.செய்தியை பார்க்க.. பார்க்க கண்ணீர்விட்டு அழுது கொண்டிருந்தார்.

பிறகு அதிர்ச்சியில் மூர்ச்சையற்று கந்தாயி மயங்கி சாய்ந்தார். அதே இடத்தில் அவர் இறந்தார்.

“முதல்வர் அம்மா எனக்கு முதியோருக்கான பணம் கொடுத்து வந்தாரே இனி யார் தரப் போகிறார்கள்” என்று கூறி கொண்டே அதிர்ச்சியில் அவர் இறந்து விட்டார்.

இவருடன் சேர்த்து ஈரோடு மாவட்டத்தில் இதுவரை 7பேர் இறந்துள்ளனர்.

ஈரோடு:

முதல் அமைச்சா ஜெயலலிதா கவலைக்கிடமாக இருப்பதை அறிந்த ஈரோடு மாணிக்கம் பாளையத்தை சேர்ந்த ராஜ் என்ற அ.தி.மு.க. தொண்டர் நேற்று திடீர் என்று இறந்தார்.

இந்த நிலையில் ஈரோட்டை சேர்ந்த அ.தி. மு.க. பிரமுகர் ஒருவரும் ஜெயலலிதா இறந்த அதிர்ச்சியில் இறந்து போனார். ஈரோடு திருநகா காலனி மாதவ காடு என்ற இடத்தை சேர்ந்த இவரது பெயர் எம்.ஜி.ஆர். தாசன் என்ற சிதம்பரம் (வயது 48).

35 வருடமாக அ.தி.மு.க. வில் இருந்த இவர் 13-வது வார்டு வட்ட செயலாளராகவும் இருந்தார். ஜெயலலிதா மிகவும் கவலைக்கிடமாக அறிந்ததில் இருந்தே எம்.ஜி.ஆர். தாசன் சோகமாக அழுது கொண்டே இருந்தார்.

இந்தநிலையில் நேற்று ஜெயலலிதா இறந்ததை கேள்விப்பட்டதும் இவர் “புரட்சி தலைவி அம்மா” என்று கதறி அழுதபடியே அதிர்ச்சியில் சுருண்டு விழுந்தார்.

மயக்க நிலையில் இருந்த அவரை உடனே ஆஸ்பத்திரியில் சேர்த்தனர். ஆனால் அங்கு சிகிச்சை பலன் இல்லாமல் நேற்று இரவே எம்.ஜி.ஆர்.தாசன் இறந்து போனார்,

இவருக்கு மகேஷ்வா என்ற மனைவியும், நீதி மொழி, சிவரஞ்சனி, நீதியரசி என்ற 3 மகள்களும், பேரழகன் என்ற மகனும் உள்ளனர். இவரது உடலுக்கு ஏரளானமான அ.தி.மு.க.வினா அஞ்சலி செலுத்தினர்.

இதேபோல் மற்றொரு அ.தி.மு.க பிரமுகர் அதிர்ச்சியில் இறந்துள்ளார்.

மொடக்குறிச்சி அடுத்த எழுமாத்தூர் ஊராட்சி கழக செயலாளராக இருந்தவர் கதிர்வேல் (47). அரிசி வியாபாரம் பார்த்து வந்தார். எழுமாத்தூர் மண் கரடு வண்ணான் பாறையில் வசித்து வந்தார்.

1990 முதல் மண்கரடு அ.தி.மு.க கிளை செயலாளராகவும் 1996 முதல் தற்போது வரை எழுமாத்தூர் ஊராட்சி செயலாளராகவும் இருந்தார்.

முதல்வர் ஜெயலலிதா உடல்நலம் குன்றி அப்பலோ ஆஸ்பத்திரியில் சேர்க்கப்பட்டது முதல் கதிர்வேல் சோகமாக காணப்பட்டார்.

முதல்வர் குணமாக வேண்டி பல்வேறு கோவில்களில் நடந்த சிறப்பு பூஜைகளிலும் கலந்து கொண்டார்.

முதல்வருக்கு மாரடைப்பு மிகவும் கவலைக்கிடம் என்ற செய்தியை கேட்டதும். கதறி.. கதறி அழுதார். அவரது குடும்பத்தினர் ஆறுதல் கூறினர். நேற்று வேதனையின் தூங்கியவர் அதன் பிறகு எழுந்திருக்கவே இல்லை.

இன்று (செவ்வாய்க்கிழமை) உள்ளூர் கட்சி பிரமுகர்கள் முதல்வர் படம் வைத்து மாலை அணிவித்து அஞ்சலி செலுத்த ஊராட்சி செயலாளர் கதிர்வேல் வீட்டுக்கு வந்தனர்.

வீட்டில் தூங்கி கொண்டிருந்தவரை எழுப்பினர். ஆனால் அவர் எழுந்திருக்கவில்லை. உடனடியாக அவரை அருகில் உள்ள ஆஸ்பத்திரிக்கு கொண்டு சென்றனர். அங்கு டாக்டர் பரிசோதனை செய்ததில் அவர் மாரடைப்பால் இறந்தது தெரியவந்தது.

இறந்த கதிர்வேலுவுக்கு சாரதாம்பாள் என்ற மனைவியும் ராகுல்குமார் என்ற ஒரு மகனும் உள்ளனர்.

நசியனூர் 15-வது வார்டு பகுதியில் வசித்து வந்த அ.தி.மு.க. பிரமுகர் சின்னசாமி (வயது 60). தீவிர அ.தி. மு.க. தொண்டராக இருந்து வந்தார்.

இன்று காலையில் இருந்து முதல்வர் ஜெய லலிதா மரணம் அடைந்ததையொட்டி மிகவும் வேதனையில் இருந்த அவர் அதிர்ச்சியில் மயங்கி விழுந் தார். சிறிது நேரத்தில் அவர் பரிதாபமாக இறந்தார்.