ஈரோடு -மேட்டூர், ஈரோடு- ஜோலார்பேட்டை ரெயில்கள் 3 நாட்கள் ரத்து

ஈரோடு:

சேலம் ஜங்ஷன் ரெயில் நிலைய யார்டு பகுதியில் தண்டவாளம் இணைக்கும் பணி மற்றும் பராமரிப்பு பணிகள் நடைபெறுகிறது.

இதையொட்டி சேலம் வழியாக இயக்கப்படும் 25 ரெயில்கள் இன்று முதல் 3 நாட்களுக்கு ரத்து செய்யப்படுவதாக சேலம் ரெயில்வே கோட்ட அலுவலகம் தெரிவித்துள்ளது.

அதன்படி இன்று முதல் வரும் டிசம்பர் மாதம் 2-ந் தேதி வரை 3 நாட்களுக்கு ஈரோட்டில் இருந்து மேட்டூர் டேம் செல்லும் ரெயில் (06407), மேட்டூர் டேமில் இருந்து ஈரோடு வரும் ரெயில் (06408), ஈரோட்டில் இருந்து ஜோலார்பேட்டை செல்லும் ரெயில் (06412), ஜோலார்பேட்டையில் இருந்து ஈரோடு வரும் ெரயில் (06845), ஜோலார்பேட்டை-ஈரோடு செல்லும் விரைவு ெரயில் (06411) ஆகிய ரெயில்கள் ரத்து செய்யப்பட்டுள்ளது.