search icon
என் மலர்tooltip icon

    உள்ளூர் செய்திகள்

    பேரிடர் மேலாண்மை கூட்டம்
    X

    பாபநாசம் தாசில்தார் மதுசூதனன் தலைமையில் கூட்டம் நடைபெற்றது.

    பேரிடர் மேலாண்மை கூட்டம்

    • மழை, வெள்ள பாதிப்பு, பேரிடர் காலங்களில் தங்களை எப்படி தற்காத்து கொள்ள வேண்டும் என எடுத்துரைத்தார்.
    • பேரிடர் காலத்தில் பிறருக்கு எப்படியெல்லாம் உதவ முடியும் என்பது குறித்து வருவாய் மற்றும் பேரிடர் மீட்பு துறையினர் மூலம் கூட்டத்தில் எடுத்துக்கூறப்பட்டது.

    மெலட்டூர்:

    தஞ்சாவூர் மாவட்டம், பாபநாசம் தாலுக்கா, திருக்கருகாவூரில் பேரிடர் மேலாண்மை பொதுமக்கள் மீட்புக்குழு கிராம அளவிலான அறிமுகக்கூட்டம் பாபநாசம் தாசில்தார் மதுசூதனன் தலைமையில் நடைபெற்றது. மண்டல துணை வட்டாட்சியர் விவேகானந்தன் முன்னிலை வகித்தார். மெலட்டூர் வருவாய் ஆய்வாளர் ஸ்ரீதேவி அனைவரையும் வரவேற்றார். கூட்டத்தில் மழை, வெள்ள பாதிப்பு, பேரிடர் காலங்களில் தங்களை எப்படி தற்காத்து கொள்ள வேண்டும், பேரிடர் காலத்தில் பிறருக்கு எப்படியெல்லாம் உதவ முடியும் என்பது குறித்து வருவாய் மற்றும் பேரிடர் மீட்பு துறையினர் கூட்டத்தில் எடுத்துரைத்தனர். கூட்டத்தில் மெலட்டூர் பேரூராட்சி செயல் அலுவலர் குமரேசன், இரும்புதலை ஊராட்சி மன்ற தலைவர் பாலாஜி, கொத்தங்குடி ஊராட்சி மன்ற தலைவர் பழனி, கோவத்தகுடி ஊராட்சி மன்ற தலைவர் கிருஷ்ணவேணி கருப்பையன் மற்றும் மெலட்டூரை சுற்றியுள்ள அனைத்து கிராம நிர்வாக அலுவலர்கள், உதவியாளர்கள், ஊராட்சி செயலாளர்கள், உள்ளாட்சி பிரதிநிதிகள், காவல்து–றையினர், பொதுமக்கள், தன்னார்வலர்கள் மற்றும் பலர் கலந்து கொண்டனர். ஏற்பாடுகளை வருவா ய்துறை மற்றும் பேரிடர் மீட்புத்துறையினர் செய்திருந்தனர்.

    Next Story
    ×