சிவகங்கை
சிவகங்கை மாவட்டம், இளையான்குடி அருகே உள்ள கண்ணமங்கலத்தை சேர்ந்தவர் பாலம்மாள் (வயது 62). இவர் இளையான்குடி அருகே சாலையில் நடந்து சென்றபோது அதே பகுதியை சேர்ந்த மணி என்பவர் ஓட்டிவந்த இருசக்கர வாகனம் மூதாட்டி மீது எதிர்பாராத விதமாக மோதியது.
இதில் படுகாயமடைந்த மூதாட்டி சிவகங்கை அரசு மருத்துவமனையில் சிகிச்சைக்காக அனுமதிக்கப்பட்டார்.
இந்த விபத்து குறித்து இளையான்குடி தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.
