என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
X
பெண் மீது தாக்குதல்
Byமாலை மலர்27 May 2022 5:23 AM GMT (Updated: 27 May 2022 5:23 AM GMT)
சகோதரியுடன் அழைப்பிதழ் கொடுக்க சென்ற பெண்ணை தாக்கி கொலை மிரட்டல் விடுத்த உறவினர்கள் மீது போலீசில் புகார் கொடுக்கப்பட்டுள்ளது.
புதுச்சேரி:
புதுவை தேங்காய்திட்டு பள்ளிகூட வீதியை சேர்ந்தவர் நாகராஜன். இவரது மனைவி எழிலரசி(வயது42). எழிலரசியின் வீட்டுக்கு அவரது சகோதரி தனலட்சுமி வீட்டு விசேஷத்துக்காக அழைப்பிதழ் கொடுக்க வந்தார்.
பின்னர் தனலட்சுமியும் எழிலரசியும் அருகில் உள்ள தங்களது சகோதரர் முருகையன் வீட்டுக்கு அழைப்பிதழ் கொடுக்க சென்றனர். அப்போது பக்கத்து வீட்டில் வசிக்கும் மற்றொரு சகோதரர் சிவபிரகாசம், அவரது மனைவி பஞ்சவர்ணம் ஆகியோர் தனலட்சுமியை தகாத வார்த்தைகளால் திட்டினர். இதனை எழிலரசி தட்டிக்கேட்டார்.
அப்போது அவர்களுக்குள் வாய்த்தகராறு ஏற்பட்டு வாக்குவாதம் முற்றியது. இதில் ஆத்திரமடைந்த சிவபிரகாசம் மற்றும் அவரது மனைவி பஞ்சவர்ணம் மற்றும் இவர்களது மகள் மஞ்சு, அவரது கணவர் சுசீந்திரன் மற்றும் உறவினர்கள் வேம்பு, கன்னியப்பன் ஆகியோர் சேர்ந்து சென்ட்ரீங் பலகையால் எழிலரசியை தாக்கினர்.
மேலும் குடும்பத்தையே கொலை செய்து விடுவோம் என்று மிரட்டல் விடுத்தனர். இந்த தாக்குதலில் காயமடைந்த எழிலரசி புதுவை அரசு ஆஸ்பத்திரியில் சிகிச்சை பெற்றார்.
பின்னர் இதுகுறித்து முதலியார்பேட்டை போலீசில் புகார் செய்தார். போலீசார் வழக்கு பதிவு செய்து விசாரணை நடத்தி வருகிறார்கள்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X