திருப்பூர் கொண்டத்து வீரபத்திரகாளியம்மன் கோவிலில் குண்டம் திருவிழா

திருப்பூர்

திருப்பூர் மேட்டுப்பாளையம்  ராமையா காலனி கொண்டத்து வீரபத்ரகாளியம்மன் கோவிலில் 35 ம் ஆண்டு குண்டம் திருவிழா கடந்த 27-ந் தேதி முதல் தொடங்கி நடைபெற்று வருகிறது. 

அதன் தொடர்ச்சியாக நேற்று முரசன்சாமிக்கு பீசும் மாலை அணிவிக்கப்பட்டது. அதனை தொடர்ந்து 50 அடி உயரமுள்ள வீரபத்ரகாளியம்மனுக்கும், 30 அடி உயரமுள்ள சிங்க வாகனத்துக்கும் மாலை அணிவிக்கப்பட்டது. இதனையடுத்து இன்று காலை 6 மணிக்கு குண்டம் இறங்குதல் நிகழ்ச்சி நடைபெற்றது.

இதில் திரளான பக்தர்கள் குண்டம் இறங்கி நேர்த்திக்கடனை செலுத்தினர். 9 மணிக்கு  அன்னதானமும் மதியம் 12 மணிக்கு பொங்கல் பூஜையும் நடந்தது. இரவு 8 மணிக்கு பூபதி கலை குழுவினரின் சிறுவர் சிறுமியர் நடன நிகழ்ச்சிகள் நடைபெற உள்ளது. நாளை 3ந்தேதி காலை 6 மணிக்கு சிறப்பு பூஜை, 12 மணிக்கு அனைத்து தெய்வங்களுக்கும் சிறப்பு பூஜை, 1 மணிக்கு பெரியசாமியின் அருள்வாக்கு பூஜை, 3 மணிக்கு நாராயணனுக்கு கபால பூஜை, 4 மணிக்கு வீதிஉலா, 6 மணிக்கு அம்மனுக்கு ஊஞ்சல், மாலை 7 மணிக்கு மஞ்சள் நீராட்டுதல் போன்றவையும் நடைபெற உள்ளது. 

இதனை தொடர்ந்து அன்னதானம் வழங்கப்பட உள்ளது. பல்வேறு இன்னிசை  நிகழ்ச்சிகளுக்கும் ஏற்பாடு செய்யப்பட்டு இருப்பதாக விழா கமிட்டியினர் தெரிவித்தனர்.