என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
வேலூரில் 2 வது நாளாக சாரல் மழை - சேறும், சகதியுமான சாலைகளால் பொதுமக்கள் அவதி
Byமாலை மலர்16 July 2021 3:55 PM GMT (Updated: 16 July 2021 3:55 PM GMT)
வேலூரில் 2-வது நாளாக சாரல் மழை பெய்தது. சேறும், சகதியுமான சாலைகளில் நடந்து செல்ல பொதுமக்கள் மிகவும் சிரமத்துக்கு உள்ளாகினார்கள்.
வேலூர்:
வேலூர் மாவட்டத்தின் பல்வேறு பகுதிகளில் கடந்த சில நாட்களாக பரவலாக மழை பெய்து வருகிறது. மேலும் வானம் மேகமூட்டத்துடன் காணப்படுகிறது. வேலூர் மற்றும் அதனை சுற்றியுள்ள பகுதிகளில் நேற்று முன்தினம் மாலையில் தொடங்கிய சாரல் மழை நள்ளிரவு வரை பெய்தது. இதேபோன்று காட்பாடி, குடியாத்தம், பொன்னை உள்பட மாவட்டத்தின் பல்வேறு பகுதிகளில் பரவலாகவும், சில இடங்களில் லேசாகவும் மழை பெய்தது.
இந்த நிலையில் நேற்று அதிகாலை முதல் வேலூர் நகரில் 2-வது நாளாக சாரல் மழை பெய்ய தொடங்கியது. வானம் மேகமூட்டமாக காணப்பட்டது. சூரியன் தென்படவில்லை. சிறிதுநேர இடைவெளியில் பரவலாக மழை பெய்து கொண்டிருந்தது. அதனால் இருசக்கர வாகனங்களில் சென்றவர்கள் மழைகோட் அணிந்தபடியும், பொதுமக்கள் குடைபிடித்தப்படி சென்றதையும் காணமுடிந்தது. சாலையோர பள்ளங்கள், தாழ்வான குடியிருப்பு பகுதிகளில் மழைநீர் தேங்கியது.
வேலூர் மாநகரில் உள்ள அனைத்து சாலைகளும் பாதாள சாக்கடை திட்டப்பணிகள், கழிவுநீர் கால்வாய், காவிரி கூட்டு குடிநீர் திட்டப்பணிக்காக தோண்டப்பட்டு குண்டும், குழியுமாக காணப்படுகிறது. மழையினால் இந்த சாலைகள் சேறும், சகதியுமானது. அதனால் பொதுமக்கள் சாலையில் நடந்து செல்ல மிகவும் சிரமத்துக்கு உள்ளாகினர். இருசக்கர வாகனங்களில் சென்றவர்கள் சேற்றில் சிக்கி கீழே விழும் நிலை காணப்பட்டது.
வேலூர் மாவட்டத்தில் 2 நாட்கள் சாரல் மழை தொடர்ந்து பெய்ததால் விவசாயிகள், பொதுமக்கள் மகிழ்ச்சி அடைந்தனர்.
மாவட்டம் முழுவதும் நேற்று முன்தினம் பெய்த மழையின் அளவு மில்லிமீட்டரில் வருமாறு:-
வேலூர்- 31.4, மேல்ஆலத்தூர்- 28.4, காட்பாடி- 23.8, அம்முண்டி சர்க்கரை ஆலை- 23, குடியாத்தம்- 21.4, பொன்னை- 19.2.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X