வேலூர்:
வேலூர் மாவட்டத்தில் கொரோனா 2 வது அலை வேகமாக பரவி வருகிறது.
வேலூர் மாவட்டத்தில் நேற்று வரை 32 ஆயிரத்து 481 பேர் கொரோனாவால் பாதிக்கப்பட்டுள்ளனர். 28,428 பேர் குணமடைந்துள்ளனர். தற்போது 3 ஆயிரத்து 607 பேர் அரசு மற்றும் தனியார் ஆஸ்பத்திரியில் சிகிச்சை பெற்று வருகின்றனர்.446 பேர் பலியாகி உள்ளனர்.
வேலூர் மாவட்டத்தில் இன்று 698 பேருக்கு கொரோனா பாதிப்பு ஏற்பட்டுள்ளது. நேற்று 734 பேர் பாதிக்கப்பட்டனர. இன்று பாதிப்பு சற்று குறைந்துள்ளது.
மாநகராட்சி பகுதியில் மட்டும் இன்று சுமார் 400 பேர் பாதிக்கப்பட்டுள்ளனர். கிராமப் பகுதிகளில் 200க்கும் மேற்பட்டோருக்கு பாதிப்பு ஏற்பட் டுள்ளது.
மாநகராட்சி பகுதியில் மட்டும் தற்போது 3000-க்கும் மேற்பட்டோர் சிகிச்சையில் உள்ளனர்.
கிராம பகுதிகளில் தடுப்பு நடவடிக்கைகள் தீவிரப்படுத்தப்பட்டுள்ளன.
ஒரே நாளில் பாதிப்பு மேலும் அதிகமாக வாய்ப்புள்ளது .அனைவரும் கட்டாயம் தடுப்பூசி போட்டுக்கொள்ள வேண்டும். கொரோனா தடுக்க பொதுமக்கள் ஒத்துழைக்க வேண்டும் என சுகாதாரத் துறை அதிகாரிகள் தெரிவித்தனர்.
