என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
மானாமதுரையில் தொடர் வழிப்பறியில் ஈடுபட்ட 2 பேர் கைது
Byமாலை மலர்6 May 2021 3:05 PM GMT (Updated: 6 May 2021 3:05 PM GMT)
மானாமதுரையில் தொடர் வழிப்பறியில் ஈடுபட்ட 2 பேர் கைது செய்யப்பட்டனர். அவர்களிடம் இருந்து 18 பவுன் நகைகள், 2 மோட்டார் சைக்கிள்களை பறிமுதல் செய்தனர்.
மானாமதுரை:
மானாமதுரையில் இருந்து சிவகங்கை செல்லும் சாலையில் தனியாக நடந்து செல்லும் பெண்கள், மொபட்டில் செல்லும் பெண்களிடம் இருந்து மர்ம ஆசாமிகள் நகை பறிப்பு சம்பவங்களில் ஈடுபட்டனர். தாயமங்கலம் சாலை, வேதியரேந்தால் சாலையிலும் இந்த வழிப்பறி சம்பவம் நடந்தது.
இதையடுத்து வழிப்பறி கொள்ளையர்களை பிடிக்க மானாமதுரை துணை சூப்பிரண்டு சுந்தரமாணிக்கம் உத்தரவின் பேரில் குற்றப்பிரிவு போலீஸ் இன்ஸ்பெக்டர் ஆதிலிங்கம் போஸ் தலைமையில் சிப்காட் சப்-இன்ஸ்பெக்டர் தாரிக், குற்றப்பிரிவு சப்-இன்ஸ்பெக்டர்கள் நாகராஜன், பக்ருதீன் மற்றும் போலீசார் கொன்னக்குளம் பகுதியில் வாகன சோதனை நடத்தினர்.
இந்த நிலையில் அந்த வழியாக 2 மோட்டார் சைக்கிளில் வந்த 2 பேரை சந்தேகத்தின் பேரில் தடுத்து நிறுத்தி விசாரித்த போது முன்னுக்கு பின் முரணாக தகவல் தெரிவித்தனர். பின்னர் தீவிரமாக விசாரித்த போது 2 பேரும் வழிப்பறி கொள்ளையர்கள் என தெரிய வந்தது. இதையடுத்து அவர்கள் 2 பேரையும் போலீசார் கைது செய்தனர். கைதானவர்கள் மதுரை காமராஜபுரத்தை சேர்ந்த பாலமுருகன்(வயது 33), மாடசாமி(36) ஆவார்கள்.
இவர்களிடம் இருந்து 18 பவுன் நகைகள், வழிப்பறி கொள்ளைக்கு பயன்படுத்திய 2 மோட்டார் சைக்கிளை பறிமுதல் செய்தனர். வழிப்பறி கொள்ளை கும்பலை பிடித்த போலீசாரை துணை சூப்பிரண்டு சுந்தரமாணிக்கம் பாராட்டினார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X