கொள்ளிடம் சோதனைச்சாவடியில் கொரோனா பரிசோதனை

மயிலாடுதுறை மாவட்ட எல்லையான கொள்ளிடம் வழியாக வருபவர்களுக்கும், வேளாங்கண்ணி பாதயாத்திரை செல்பவர்களுக்கும் கொரோனா பரிசோதனை மேற் கொள்ளப்பட்டது.

மயிலாடுதுறை மாவட்டம் கொள்ளிடம் சோதனைச் சாவடியில் மாவட்ட கலெக்டர் உத்தரவின் பேரிலும் மாவட்ட சுகாதார பணிகள் துணை இயக்குனர் சண்முக சுந்தரம் அறிவுறுத்தலின்படி, வட்டார மருத்துவ அலுவலர் ரமேஷ் குமார் தலைமையில் மருத்துவர்கள் சத்யா, சிவனேசன், மருந்தாளுனர் நிஷாந்தி, ஆய்வக நுட்பனர் ஜெயா உள்ளிட்டோர் அடங்கிய மருத்துவ குழுவினர் பங்கேற்று பரிசோதனை மேற்கொண்டனர். தேசிய நெடுஞ்சாலையில் கொள்ளிடம் சோதனைச்சாவடியை கடந்து வருகின்ற வாகன ஓட்டிகள் மற்றும் பாதயாத்திரை வரும் பக்தர்கள் உள்ளிட்டவர்களை பரிசோதனைக்கு உட்படுத்தினர்.