புதுச்சேரி:
புதுச்சேரி சட்டசபைத் தேர்தலில் என்ஆர் காங்கிரஸ், பாஜக, அதிமுக ஆகிய கட்சிகள் கூட்டணி அமைத்து போட்டியிடுகின்றன. இதில், ரங்கசாமியின் என்ஆர் காங்கிரஸ் கட்சி 16 தொகுதிகளில் போட்டியிடுகிறது. ஆனால், வேட்பாளர்கள் பெயரை ரங்கசாமி அறிவிக்காமல் இருந்தார்.
அனைத்து கட்சிகளும் தொகுதிப் பங்கீட்டை முடித்து வேட்பாளர்களை அறிவித்து மனுத்தாக்கல் செய்யத் தொடங்கியபோதும், ரங்கசாமி மவுனமாகவே இருந்தார். அதேசமயம், என்.ஆர்.காங்கிரஸ் தரப்பில் பலர் வேட்பு மனுக்களைத் தாக்கல் செய்தனர். ரங்கசாமி ஏனாம், தட்டாஞ்சாவடி ஆகிய 2 தொகுதிகளில் போட்டியிடுகிறார்.
இந்நிலையில், வேட்புமனு தாக்கல் இன்று நிறைவடைந்தது. அதைத் தொடர்ந்து, என்.ஆர்.காங்கிரஸ் கட்சியின் அதிகாரப்பூர்வ வேட்பாளர்களை ரங்கசாமி அறிவித்துள்ளார். வேட்பாளர்கள் விவரம்:
1. திருபுவனை - கோபிகா
2. மங்கலம் - ஜெயகுமார்
3. வில்லியனூர்-சுகுமாறன்
4.உழவர்கரை - பன்னீர்செல்வம்
5.கதிர்காமம் - ரமேஷ்
6.இந்திராநகர் - ஆறுமுகம்
7. தட்டாஞ்சாவடி -ரங்கசாமி
8. ராஜ்பவன் - கே.லட்சுமி நாராயணன்
9. அரியாங்குப்பம் - தட்சிணாமூர்த்தி
10. ஏம்பலம் - லட்சுமிகாந்தன்
11.நெட்டபாக்கம் - ராஜவேலு
12. பாகூர் - தனவேலு
13.நெடுங்காடு - சந்திர பிரியங்கா
14. காரைக்கால் வடக்கு - திருமுருகன்
15.மாஹே - அப்துல் ரகுமான்
16. ஏனாம் - ரங்கசாமி.
