என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஈரோடு காய்கறி மார்க்கெட்டில் சின்ன வெங்காயம் விலை மீண்டும் உயர்வு
Byமாலை மலர்3 Feb 2021 3:17 PM GMT (Updated: 3 Feb 2021 3:17 PM GMT)
ஈரோடு காய்கறி மார்க்கெட்டில் சின்ன வெங்காயத்தின் விலை மீண்டும் உயர்ந்து உள்ளது.
ஈரோடு:
தமிழகத்தில் வெங்காயத்தின் விலை கடந்த அக்டோபர் மாதம் திடீரென கிடுகிடுவென உயர்ந்தது. அப்போது ஈரோட்டில் சின்ன வெங்காயம் அதிகபட்சமாக கிலோவுக்கு ரூ.130 வரை விற்பனை செய்யப்பட்டது. இதையடுத்து வெங்காயத்தின் வரத்து அதிகரிக்க தொடங்கியதும், விலை குறைந்தது. கடந்த சில வாரங்களாக ஒரு கிலோ சின்ன வெங்காயம் சுமார் ரூ.45க்கு விற்பனையானது.
இந்தநிலையில் சின்ன வெங்காயத்தின் விலை மீண்டும் உயர தொடங்கி இருப்பது, இல்லத்தரசிகளுக்கு அதிர்ச்சியை ஏற்படுத்தி உள்ளது.
ஈரோடு காய்கறி மார்க்கெட்டில் கடந்த வாரத்தை காட்டிலும், இந்த வாரம் சின்ன வெங்காயத்தின் விலை இரு மடங்கு உயர்ந்து உள்ளது. ஒரு கிலோ சின்ன வெங்காயம் ரூ.80 வரை விற்பனை செய்யப்படுகிறது. இதேபோல் பெரிய வெங்காயத்தின் விலையும் ஒரு கிலோ ரூ.30-ல் இருந்து ரூ.50 வரை உயர்ந்து உள்ளது.
இதுகுறித்து வியாபாரிகள் கூறுகையில், “ஈரோடு காய்கறி மார்க்கெட்டுக்கு வெளிமாநிலங்களில் இருந்து வெங்காயம் கொண்டு வரப்படுகிறது. அங்கிருந்து வெங்காயத்தின் வரத்து கடந்த சில நாட்களாக குறைந்துவிட்டது. இதனால் வெங்காயத்தின் விலை உயர்ந்து உள்ளது. ஈரோடு மார்க்கெட்டுக்கு தினமும் சுமார் 150 டன் வெங்காயம் வரத்து இருந்து வந்தது. அதில் பாதி அளவு மட்டுமே தற்போது வருகிறது. மீண்டும் வெங்காயத்தின் வரத்து அதிகமானால் விலை குறைவதற்கு வாய்ப்பு உள்ளது”,என்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X