பர்கூர் தொகுதி அ.தி.மு.க. எம்.எல்.ஏ. சி.வி.ராஜேந்திரனுக்கு கொரோனா

கிருஷ்ணகிரி:

கிருஷ்ணகிரி மாவட்டம் பர்கூர் சட்டசபை தொகுதி அ.தி.மு.க. எம்.எல்.ஏ.வாக இருப்பவர் சி.வி.ராஜேந்திரன். இவரது சொந்த ஊர் பர்கூர் அருகே உள்ள சிந்தகம்பள்ளி ஆகும். கட்சிக் கூட்டங்களிலும், பூமி பூஜை உள்ளிட்ட நிகழ்ச்சிகளிலும் அவர் பங்கேற்று வந்தார். இந்த நிகழ்ச்சிக்கு முன் கடந்த சில நாட்களுக்கு முன்பு அவருக்கு இருமல், சளி மற்றும் காய்ச்சல் வந்தது.

இதனால் அவர் மருத்துவ பரிசோதனை செய்து கொண்டார். அதில் அவருக்கு கொரோனா தொற்று இருப்பது உறுதி செய்யப்பட்டது.

இதையடுத்து அவர் சிகிச்சைக்காக சென்னையில் உள்ள ஒரு தனியார் மருத்துவமனையில் அனுமதிக்கப்பட்டு உள்ளார். அங்கு அவருக்கு சிகிச்சை அளிக்கப்பட்டு வருகிறது.