வார விடுமுறை நாட்களில் ரேசன் கடைகள் இயங்கும்

ஊட்டி:

நீலகிரி மாவட்ட கலெக்டர் இன்னசென்ட் திவ்யா வெளியிட்டுள்ள செய்திக்குறிப்பில் கூறப்பட்டு உள்ளதாவது:- 

தமிழக முதலமைச்சர் அறிக்கையில் ஆகஸ்டு மாதத்தில் அனைத்து ஞாயிற்றுக்கிழமைகளிலும் (2,9,16,23,30-ந் தேதிகள்) எவ்வித தளர்வுகள் இன்றி தமிழகம் முழுவதும் முழு ஊரடங்கு அமல்படுத்தப்படும் என்று தெரிவிக்கப்பட்டு உள்ளது. இது தொடர்பாக நீலகிரி மாவட்டத்தில் செயல்பட்டு வரும் அனைத்து ரேஷன் கடைகள் மற்றும் வட்ட செயல்முறை கிடங்குகள் மேற்கண்ட நாட்களில் அனைத்து ஞாயிற்றுக்கிழமைகளிலும் செயல்படாது. அதற்கு பதிலாக வார விடுமுறை நாட்களான வருகிற 7, 14, 21, 28 ஆகிய தேதிகளில் (வெள்ளிக்கிழமை) செயல்படும். 

இவ்வாறு அதில் கூறப்பட்டு உள்ளது.