சிறை கைதிகளுக்கு கபசுர குடிநீர்

திருமயம் கிளைச்சிறையில் கொரோனா தொற்று பரவாமல் தடுக்க கைதிகளுக்கு கபசுர குடிநீர் வழங்கப்பட்டு, அவர்களுக்கு முககவசம் அணிவதற்கும், கைகளை அடிக்கடி சுத்தம் செய்திடவும் அறிவுரை வழங்கப்பட்டது.

மேலும் சீன ராணுவ தாக்குதலில் உயிரிழந்த 20 இந்திய ராணுவ வீரர்களுக்கு மவுன அஞ்சலி செலுத்தப்பட்டது. நிகழ்ச்சியில் திருமயம் அரசு மருத்துவமனை மருத்துவ அலுவலர் ரமேஷ், சித்த மருத்துவ அலுவலர் பிரியதர்ஷினி, திருமயம் கிளைச்சிறை கண்காணிப்பாளர் பழனிவேலு மற்றும் பணியாளர்கள் கலந்து கொண்டனர்.