கே.வி.குப்பம் மேற்கு ஒன்றிய அதிமுக சார்பில் 1000 பேருக்கு இலவச அரிசி, மளிகை, காய்கறிகள்

கே.வி.குப்பம்:

கே.வி.குப்பம் மேற்கு ஒன்றிய அ.தி.மு.க. சார்பில் 1,000 பேருக்கு இலவச அரிசி, மளிகை, காய்கறிகள் வழங்கும் விழா நடைபெற்றது.

ஒன்றிய செயலாளர் கே.எம்.ஐ. சீனிவாசன் தலைமை தாங்கினார். தொகுதி எம்.எல்.ஏ., ஜி.லோகநாதன், முன்னாள் எம்.எல்.ஏ., கே.எம்.கலைச்செல்வி, ஒன்றிய அவைத்தலைவர் தேவன், ஒன்றிய மாவட்டப் பிரதிநிதி மஞ்சுளா ராஜா, மாவட்ட மாணவர் அணி செயலாளர் ரமேஷ்குமார், துணை செயலாளர்கள் பொன்முடி, ரோஸ்மேரி வஜ்ஜிரம் ஆகியோர் முன்னிலை வகித்தனர்.

வேலூர் கிழக்கு மாவட்ட செயலாளர் சு.ரவி எம்.எல்.ஏ. நலத்திட்ட உதவிகளை வழங்கினார்.

குடியாத்தம் ஒன்றிய செயலாளர் சிவா, வேலூர் மத்திய கூட்டுறவு வங்கி தலைவர் ராமு உள்பட மாவட்ட பிரதிநிதிகள், நிர்வாகிகள் கலந்து கொண்டனர். முழு ஏற்பாடுகளையும் தன் சொந்த செலவில் ஒன்றிய செயலாளர் கே.எம்.ஐ.சீனிவாசன் செய்திருந்தார்.