சென்னை விமான நிலையத்தில் பா.ஜனதா பிரமுகர் கைது

தாம்பரம்:

சென்னை நங்கநல்லூரை சேர்ந்தவர் கல்யாண ராமன் பா.ஜனதா பிரமுகரான இவர் காக்கைச் சித்தர் கல்யாணராமன் என்ற பெயரில் முகநூலில் உள்ளார்.

அவரது முகநூலில் ஒரு மதத்திற்கு எதிரான கருத்துக்களை பதிவிட்டு வந்ததாக கல்யாணராமன் மீது பல புகார்கள் சென்னை போலீஸ் கமி‌ஷனர் அலுவலகத்துக்கு வந்தது.

இதையடுத்து அவர் மீது சென்னை மத்திய குற்றப்பிரிவு போலீசார் கல்யாணராமன் 153ஏ, 295,505 உள்ளிட்ட பிரிவுகளின் கீழ் வழக்கு பதிவு செய்து இருந்தனர்.

இன்று காலை அகமதாபாத்தில் இருந்து விமானம் மூலம் சென்னை வந்த கல்யாணராமனை விமான நிலையத்தில் வைத்து மத்திய குற்றப்பிரிவு போலீசார் கைது செய்தனர்.

அவரை போலீஸ் கமி‌ஷனர் அலுவலகத்துக்கு அழைத்து சென்று விசாரணை நடத்தி வருகிறார்கள்.