சென்னை:
ரஜினிகாந்த் நடிப்பில் கடந்த 29-ந்தேதி 2.0 படம் வெளியானது. அடுத்து அவர் நடிப்பில் பேட்ட படம் பொங்கலுக்கு வெளியாக இருக்கிறது.
இந்த படத்துக்கான பணிகள் நடைபெற்று வருகின்றன. தொடர் படப்பிடிப்புகளில் இருந்த ரஜினி சில நாட்கள் ஓய்வு எடுக்க முடிவு செய்து இருக்கிறார்.
இன்று மாலை தனது குடும்பத்தினருடன் ஓய்வுக்காக அமெரிக்கா செல்கிறார். அங்கு 10 நாட்கள் ஓய்வில் இருக்கும் அவர் ஜனவரி முதல் வார இறுதியில் திரும்ப இருக்கிறார்.
ரஜினி கடந்த ஆண்டு டிசம்பர் மாத இறுதி வாரத்தில் தான் தனது அரசியல் வருகையை ரசிகர்கள் மத்தியில் அறிவித்தார். பின்னர் மன்றத்தை கட்சியாக மாற்றும் பணிகளில் தீவிரமாக இறங்கினார்.
அரசியல் வருகையை அறிவித்து ஒரு ஆண்டு முடிவடைவதால் கட்சி அறிவிப்பை வெளியிடுவார் என ரசிகர்கள் ஆவலுடன் எதிர்பார்த்தார்கள். ஆனால் ரஜினி அமெரிக்கா செல்கிறார். பொங்கலுக்காவது கட்சி அறிவிப்பை வெளியிடுவார் என ரசிகர்கள் எதிர்பார்க்கிறார்கள். #Rajinikanth #RajiniMakkalMandram
