மேட்டூர் அணைக்கு நீர்வரத்து மேலும் சரிவு

சேலம்:

கடந்த 13-ந் தேதி 13ஆயிரத்து 47 கனஅடியாக இருந்த நீர்வரத்து படிப்படியாக சரிந்து நேற்று 7ஆயிரத்து 644 கனஅடி தண்ணீர் வந்தது. இன்று நீர்வரத்து மேலும் சரிந்து 6 ஆயிரத்து 191 கனஅடியாக வந்து கொண்டிருக்கிறது. அணையில் இருந்து காவிரி டெல்டா பாசனத்திற்கு 13ஆயிரம் கனஅடியும், கால்வாய் பாசனத்திற்கு 700 கனஅடி தண்ணீரும் திறந்து விடப்பட்டுள்ளது.

அணைக்கு வரும் தண்ணீரை விட, அணையில் இருந்து கூடுதல் தண்ணீர் திறந்து விடப்படுவதால் அணையின் நீர்மட்டம் மீண்டும் சரிய தொடங்கி உள்ளது.

நேற்று 103.82 அடியாக இருந்து மேட்டூர் அணை நீர்மட்டம், இன்று 103.35 அடியாக சரிந்தது. இனிவரும் நாட்களில் மேட்டூர் அணை நீர்மட்டம் மேலும் சரிய வாய்ப்புள்ளது.