கருணாநிதி உடல்நிலை - தேசியவாத காங். தலைவர் சரத் பவார் நலம் விசாரித்தார்

சென்னை:

உடல்நலக் குறைவால் சென்ன ஆழ்வார்பேட்டை காவேரி மருத்துவமனையில் அனுமதிக்கப்பட்டுள்ள தி.மு.க. தலைவர் கருணாநிதியை பார்த்து நலம் விசாரிக்க கடந்த 5 நாட்களாக பல்வேறு அரசியல் கட்சி தலைவர்களும், திரையுலகப் பிரமுகர்களும் வந்தவண்ணம் உள்ளனர்.

இந்நிலையில், இன்று காலை பிரபல ஆன்மிகவாதி ஜக்கி வாசுதேவ், நடிகர்கள் சிவக்குமார், சூர்யா, சரத்குமார் ஆகியோர் இன்று காலை வந்து நலம் விசாரித்து சென்றனர்.

மாலை 5 மணியளவில் தேசியவாத காங்கிரஸ் தலைவர் சரத் பவார் காவேரி மருத்துவமனைக்கு வந்து கருணாநிதியின் உடல்நிலை குறித்து மு.க.ஸ்டாலினிடம்  நலம் விசாரித்தார். கருணாநிதிக்கு அளிக்கப்படும் சிகிச்சை பற்றி அவர் கேட்டறிந்தார். #Karunanidhi #Karunanidhisharadpawar