டெல்லியில் பனி: சென்னை விமான நிலையத்தில் கவர்னர் கிரண்பேடி தவிப்பு

ஆலந்தூர்:

டெல்லியில் கடுமையான பனி மூட்டம் ஏற்பட்டுள்ளதால் விமான சேவை பாதிக்கப்பட்டுள்ளது. இதேபோல் பல ரெயில்களும் ரத்து செய்யப்பட்டுள்ளன.

டெல்லியில் ஏற்பட்ட பனி மூட்டம் காரணமாக சென்னையில் இருந்து டெல்லி செல்லும் விமான சேவையிலும் சென்னை வரும் விமான சேவையிலும் பாதிப்பு ஏற்பட்டது. 5-க்கும் மேற்பட்ட விமான சேவையில் பாதிப்பு ஏற்பட்டது.

புதுவை கவர்னர் கிரண்பேடி டெல்லி செல்வதற்காக இன்று காலை 9 மணிக்கு சென்னை விமான நிலையம் வந்தார். அவர் 10.30 மணி அளவில் ‘ஜெட்ஏர்வேஸ்’ விமானம் மூலம் டெல்லி செல்ல இருந்தார்.

அந்த விமானம் ரத்து செய்யப்பட்டதால் அவர் சென்னை விமான நிலையத்தில் தவித்தார்.