முன்னாள் தலைமைச் செயலாளர் ராம மோகன ராவ் இன்று ஓய்வு பெறுகிறார்

சென்னை:

ஆந்திர மாநிலத்தைச் சேர்ந்த ராம மோகன ராவ், கடந்த 1957-ம் ஆண்டு செப்டம்பர் 15-ந் தேதி பிறந்தார். தமிழக பிரிவு ஐ.ஏ.எஸ். அதிகாரியாக 1985-ம் ஆண்டு பணியில் சேர்ந்தார். அரசின் பல்வேறு துறைகளின் செயலாளர், ஆணையர் பதவிகளை வகித்தார்.

கடந்த 2016-ம் ஆண்டு ஜூன் 1-ந் தேதி, முதல்-அமைச்சர் அலுவலகத்தின் முதலாவது செயலாளராக நியமிக்கப்பட்ட ராம மோகன ராவ், அதே மாதம் 8-ந் தேதியன்று தலைமைச் செயலாளராக நியமிக்கப்பட்டார்.

கடந்த ஆண்டு டிசம்பர் 21-ந் தேதியன்று அவரது வீட்டிலும், அலுவலகத்திலும் வருமான வரித்துறை சோதனை நடத்தியதைத் தொடர்ந்து தலைமைச் செயலாளர் பதவியில் இருந்து ராம மோகன ராவ் விடுவிக்கப்பட்டார்.



கடந்த மார்ச் 31-ந் தேதியன்று தொழில் முனைவோர் மேம்பாட்டுக்கழக இயக்குனராக அவர் நியமனம் செய்யப்பட்டார்.

60 வயது பூர்த்தி ஆவதை தொடர்ந்து இன்று ஓய்வு பெறுகிறார்.