டி.என்.பாளையம்:
சத்தியமங்கலத்தில் அனைத்து வியாபாரிகள் சங்கத்தின் 35-வது ஆண்டு விழா நடந்தது. இதில் தமிழ்நாடு வணிகர்கள் சங்கங்களின் பேரவை தலைவர் வெள்ளையன் கலந்து கொண்டார்.
அவர் அளித்த பேட்டியில் கூறி இருப்பதாவது:-
ஜி.எஸ்.டி. வரியை திரும்ப பெறாவிட்டால் 2-வது இந்திய சுதந்திர போர் நடக்கும். இந்த வரி விதிப்பு உள் நாட்டு வணிகர்களை அழிக்கும் முயற்சியாகும்.
அமெரிக்கா போன்ற நாடுகளுக்கு அடிமையாகக் கூடிய சூழ்நிலை உள்ளது. தரமில்லாத பொருட்களை மக்கள் அதிக விலை கொடுத்து வாங்க வேண்டிய நிலை ஏற்பட்டு உள்ளது.
எனவே ஜி.எஸ்.டி. வரியை திரும்ப பெற வேண்டும். அதற்கு பதிலாக பழைய விற்பனை வரியை சீரமைத்து அமுல்படுத்த வேண்டும்.
சில்லரை வணிகத்தில் ஆன்லைன், அந்நிய நேரடி முதலீடு ஆகியவை உள்நாட்டு வணிகர்களை பாதிப்படைய செய்துள்ளது. அதற்கு உரிய நடவடிக்கை எடுக்க வேண்டும். நீட் தேர்வை ரத்து செய்ய வேண்டும்.
தாளவாடியில் பெய்யும் மழை தண்ணீர் சரியான தடுப்பணை இல்லாததால் வீணாக ஓடி கர்நாடகத்துக்கு செல்கிறது. எனவே அந்த தண்ணீரை சேமிக்க தடுப்பணை கட்ட வேண்டும்.
இவ்வாறு வெள்ளையன் கூறினார்.
