குவால்காம் ஸ்னாப்டிராகன் 845 சிப்செட் அறிமுகம்

ஹூவாய்:

சர்வதேச சந்தையில் பிரபலமான சிப்செட் தயாரிப்பு நிறுவனமான குவால்காம் தனது புதிய பிராசஸரை ஹவாயில் நடைபெற்ற ஸ்னாப்டிராகன் தொழில்நுட்ப மாநாட்டில் அறிமுகம் செய்துள்ளது.

சமீபத்தில் அதிகம் எதிர்பார்க்கப்பட்ட ஸ்னாப்டிராகன் 845 சிப்செட் அறிமுகம் செய்யப்பட்டதோடு மொபைல் மற்றும் கம்ப்யூட்டர் தொழில்நுட்பங்களில் குவால்காம் செய்து வரும் மேம்படுத்தல்கள் சார்ந்த அறிவிப்புகளை குவால்காம் வெளியிட்டது. கடந்த ஆண்டு குவால்காம் வெளியிட்ட ஸ்னாப்டிராகன் 835 சிப்செட்டின் மேம்படுத்தப்பட்ட பிராசஸராக ஸ்னாப்டிராகன் 845 வெளியிடப்பட்டுள்ளது.


புதிய சிப்செட் மேம்படுத்தப்பட்ட செயல்திறன், சிறப்பான திறன் பயன்பாடு மற்றும் மேம்படுத்தப்பட்ட இமேஜ் பிராசஸிங் திறன் கொண்டுள்ளது. ஸ்னாப்டிராகன் 845 சிப்செட் அடுத்த ஆண்டு (2018) வெளியாக இருக்கும் உயர்-ரக ஆண்ட்ராய்டு ஸ்மார்ட்போன்களில் வழங்கப்பட அதிக வாய்ப்புகள் இருப்பதாக தகவல்கள் வெளியாகியுள்ளது.

ஸ்னாப்டிராகன் 845 ஃபவுன்ட்ரி என்ற வகையில் சிலிகான் தயாரிப்பு பணிகளை மேம்படுத்த தொடர்ந்து பணியாற்றுவோம் என சாம்சங் நிறுவனத்தின் ஃபவுன்ட்ரி பிரிவின் தலைவர் மற்றும் பொது மேளாலர் இ.எஸ். ஜங் தெரிவித்துள்ளார். இத்துடன் சியோமி நிறுவனத்தின் புதிய ஸ்மார்ட்போனில் ஸ்னாப்டிராகன் 845 சிப்செட் வழங்கப்படுவதை சியோமி நிறுவனர் உறுதி செய்துள்ளார்.

அழகிய வடிவமைப்பு மற்றும் அதிநவீன தொழில்நுட்பம் கொண்ட சாதனங்களை சியோமி உருவாக்கி வருகிறது. அத்தனை அம்சங்களையும் அனைவரும் வாங்கக்கூடிய விலையில் வழங்கி வரும் சியோமியின் அடுத்த ஸ்மார்ட்போனில் ஸ்னாப்டிராகன் 845 சிப்செட் வழங்கப்படும் என லெய் ஜூன் தெரிவித்துள்ளார்.