அயராத உழைப்பாலும் தன்னம்பிக்கையாலும் சாதித்துவருகிறார் அஜித்- ஓபிஎஸ் வாழ்த்து

சென்னை:

தமிழ்நாடு துப்பாக்கிச் சுடுதல் சாம்பியன்ஷிப் போட்டிகளில் நடிகர் அஜித் குமார் 4 தங்கம், 2 வெள்ளி என மொத்தம் 6 பதக்கங்களை வென்றுள்ளார். இதனை அஜித் ரசிகர்கள் கொண்டாடி வருகின்றனர். அவருக்கு சமூக வலைத்தளங்களில் வாழ்த்துகளும் கூறி வருகின்றனர். 

துணை முதல்வர் ஓ.பன்னீர்செல்வம் தனது டுவிட்டர் பக்கத்தில் அஜித்தை வாழ்த்தி பதிவிட்டுள்ளார்.

‘தனது அயராத உழைப்பாலும் தன்னம்பிக்கையாலும் திரைத்துறை மட்டுமின்றி பல்வேறு துறைகளில் சாதித்துவரும் அன்புச்சகோதரர் அஜித்குமார், சென்னையில் நடைபெற்ற 46வது தமிழ்நாடு மாநில துப்பாக்கி சுடுதல் போட்டியில் தங்கம் வென்றிருப்பதில் மகிழ்ச்சி. அவருக்கு எனது அன்பார்ந்த வாழ்த்துகள்!’ என ஓ.பன்னீர்செல்வம் கூறி உள்ளார்.