ராயல் என்ஃபீல்டு நிறுவனத்தின் லிமிட்டெட் எடிஷன் மோட்டார்சைக்கிள் இந்தியாவில் அறிமுகம் செய்யப்பட்டு சமீபத்தில் இதன் விற்பனை நடைபெற்றது.
ராயல் என்ஃபீல்டு கிளாசிக் 500 பெகாசஸ் என அழைக்கப்படும் லிமிட்டெட் எடிஷன் மோட்டார்சைக்கிள்கள் விற்பனை துவங்கிய 178 நொடிகளில் விற்று தீர்ந்துள்ளது. ஆன்லைனில் நடைபெற்ற இந்த விற்பனை ஜூலை 10-ம் தேதி நடைபெற இருந்தது, எனினும் வலைதளம் முடங்கி போனதால் விற்பனை நிறுத்தப்பட்டது.
புதிய லிமிட்டெட் எடிஷன் மோட்டார்சைக்கிள் இரண்டாம் உலக போரில் பயன்படுத்தப்பட்ட பாரா-ட்ரூப்பர்களை தழுவி உருவாக்கப்பட்டிருப்பது குறிப்பிடத்தக்கது. மோட்டார்சைக்கிளுக்கு கிடைத்திருக்கும் வரவேற்பு காணரமாகவே முகற்கட்ட விற்பனை நிறுத்தப்பட்டதாக அறிவிக்கப்பட்டது.
ஜூலை 25-ம் தேதி மாலை 4.00 மணிக்கு விற்பனை துவங்கிய நிலையில், விற்பனைக்கு அறிவிக்கப்பட்ட 250 யூனிட்களும் 3 நிமிடங்களுக்குள் விற்று தீர்ந்தது. முதலில் வருவோருக்கு முன்னுரிமை என்ற அடிப்படையில் யூனிட்கள் விற்பனை செய்யப்பட்டது. இந்தியாவில் கிளாசிக் 500 பெகாசஸ் எடிஷன் விலை ரூ.2.49 லட்சம் (எக்ஸ்-ஷோரூம்) என நிப்ணயம் செய்யப்பட்டது.
லிமிட்டெட் எடிஷன் ராயல் என்ஃபீல்டு மோட்டார்சைக்கிளின் ஃபியூயல் டேன்க்-இல் பெகாசஸ் லோகோ, ராணுவ தோற்றம் கொண்ட பை, பித்தளை பக்கிள்கள் கொண்ட லெதர் ஸ்டிராப், RE/WD 125 தோற்றம் கொண்ட டேன்க் பேட்ஜ் உள்ளிட்டவை வழங்கப்பட்டுள்ளது. இத்துடன் ஹேன்டிள்பார், ஹெட்லைட் பெசல், எக்சாஸ்ட் மஃப்ளர் இன்ஜின் மற்றும் ரிம்கள் முழுமையாக பிளாக்-டு அவுட் செய்யப்பட்டுள்ளது.
சர்வதேச சந்தையில் ராயல் என்ஃபீல்டு கிளாசிக் 500 பெகாசஸ் ஆலிவ் டிராப் கிரீன் மற்றும் சர்வீஸ் பிரவுன் என இரண்டு நிறங்களில் கிடைக்கிறது. எனினும் இந்தியாவில் பரவுன் நிற மாடல் மட்டுமே விற்பனை செய்யப்பட இருக்கிறது. ஒவ்வொரு லிமிட்டெட் எடிஷன் மோட்டார்சைக்கிளிலும் பிரத்யேக குறியீட்டு எண் மாடலின் ஃபியூயல் டேன்க்-இல் அச்சடிக்கப்படும்.
ராயல் என்ஃபீல்டு கிளாசிக் 500 பெகாசஸ் மாடலில் 499 சிசி, ஏர்-கூல்டு, சிங்கிள் சிலிண்டர் இன்ஜின் வழங்கப்பட்டுள்ளது. இந்த இன்ஜின் 27.2 பிஹெச்பி பவர், 41.3 என்எம் டார்கியூ செயல்திறன் கொண்டுள்ளது. #RoyalEnfieldPegasus #motorcycle
