கொழுப்பை குறைக்கும் எள்ளுத் துவையல்

தேவையான பொருட்கள் :

கருப்பு எள் - அரை கப்
துருவிய தேங்காய் - கால் கப்
காய்ந்த மிளகாய் - ஐந்து
புளி - சிறிய நெல்லிக்காய் அளவு

செய்முறை :

எள்ளை சுத்தப்படுத்தி வெறும் வாணலியில் வெடிக்கும் வரை வறுக்கவும்.

பிறகு அதே வாணலியில் காய்ந்த மிளகாய் சேர்த்து துளி எண்ணெய் விட்டு வறுக்கவும்.

மிக்ஸியில் வறுத்து ஆறவைத்த எள், துருவிய தேங்காய், காய்ந்த மிளகாய், உப்பு மற்றும் புளி சேர்த்து ஒரு சுற்று சுற்றவும்.

இதில் தேவையான அளவு தண்ணீர் சேர்த்து கெட்டியாக அரைத்து சூடான சாதத்துடன் நல்லெண்ணெய் விட்டு சாப்பிட்டால் சூப்பராக இருக்கும்.