எந்த வேலையைத் தொடங்குவதற்கும் காலை வேலை என்பது சிறந்த தருணம். அந்த வகையில் மனதையும், உடலையும் சாந்தப்படுத்தும் யோகா பயிற்சியை தினசரி கடைபிடிப்பது ஆரோக்கியமான வாழ்க்கைக்கு வழிவகுக்கும். அப்படி காலையில் இந்த யோகாசனங்களை செய்தால் நல்ல பலன் கிடைக்கும்.
சூரிய நமஸ்காரம் : யோகாசனத்தில் முதலில் செய்யக் கூடியது இதுதான். மூச்சுப் பயிற்சிக்கு சிறந்தது. தரையில் படுத்தவாரு கைகளை தரையில் ஊன்றிக்கொள்ளுங்கள். கால்களை நீட்டிக்கொண்டு உடலை மட்டும் வலைத்து தலையை சற்று மேல் நோக்கியவாறு பார்க்க வேண்டும்.
விருக்ஷனா ஆசனம் : நேராக நின்றுக்கொள்ளுங்கள். தற்போது வலதுபுறக் காலை மட்டும் தூக்கி தொடையில் நேராக வைத்துக்கொள்ளுங்கள்.பின் இரு கைகளையும் தூக்கி தலைக்கு மேல் நிமிர்த்து விரல்களை கோர்த்துக்கொள்ளுங்கள். உடல் , தலை , கால் நேராக இருக்க வேண்டும். மூச்சை நன்கு இழுத்துவிட வேண்டும். பின் இதேபோல் மற்றொரு காலிலும் செய்ய வேண்டும்.
தடாசனம் : இரு கால்கலையும் நேராக வைத்து , முதுகையும் நேராக நிமிர்த்தி நில்லுங்கள். கைகளை விரித்தவாறு , உள்ளங்கை , மற்றும் விரலையும் நேராக நிமிர்த்தி நில்லுங்கள். அப்படியே 10 நிமிடங்கள் நின்று மூச்சை இழுத்துவிடுங்கள்.
மர்ஜாரி ஆசனம் : நேராக நில்லுங்கள். தற்போது முட்டிப்போட்டு உள்ளங்கைகளை தரையில் வைத்து ஊன்றுங்கள். பின் தலையையும் தரை நோக்கி பாருங்கள். உடல் முதுகுத் தண்டு எவ்வளவுக்கு எவ்வளவு நிமிர்ந்து வளைக்க முடியுமோ வளைந்து நில்லுங்கள்.
வஜ்ராசனம் : தரையில் அமர்ந்து இரு முட்டிகளையும் மடித்துக்கொண்டு அமருங்கள். இரு கைகளையும் முட்டியின் மேல் மையுங்கள். தலை நேராகவும், முதுகு நிமிர்ந்தவாரும் இருக்க வேண்டும். இந்த நிலையில் 10 நிமிடங்களுக்கு மூச்சை இழுத்துவிடுங்கள்.
