search icon
என் மலர்tooltip icon

    லைஃப்ஸ்டைல்

    புஜ பாத பீடாசனம்
    X
    புஜ பாத பீடாசனம்

    எலும்பு தேய்மானத்தை தடுக்கும் புஜ பாத பீடாசனம்

    எலும்பு தேய்மானம் மற்றும் அதனால் ஏற்படக்கூடிய தாங்க முடியாத வலி இவற்றிலிருந்து விடுபட இந்த ஆசனம் துணைப்புரியும்.
    அதிக நேரம் கணினி முன் வேலை செய்பவர்களும், தொடர்ந்து வாகனம் ஓட்டுபவர்களும் அதிகம் பாதிக்கப்படுவது முதுகு தண்டு. எலும்பு தேய்மானம் மற்றும் அதனால் ஏற்படக்கூடிய தாங்க முடியாத வலி இவற்றிலிருந்து விடுபட இந்த ஆசனம் துணைப்புரியும்.

    செய்முறை

    விரிப்பின் மீது மல்லாந்து படுத்து இரு கால்களை முட்டி வரை குத்துக்காலிட்டு மடக்கவும். தலை, கழுத்து, தோள், பாதங்கள் தரையிலிருக்கும் படி செய்யவும். இடுப்பு, முதுகு, இருதொடைகள் உயர்த்தி, கைகளால் இடுப்பை தாங்கி கொள்ளவும். காலை வேளையில் இயல்பான மூச்சுடன் இரண்டு தடவை 15 வினாடிகள் செய்யவும். இவ்வாறு இந்த ஆசனத்தை 3 முதல் 5 முறை செய்ய வேண்டும்.

    பலன்கள்

    அதிக உடல் எடை கொண்டவர்களும், தொடர்ந்து வாகனம் ஓட்டுபவர்களும் ஒரே இடத்தில் உட்கார்ந்து பணிபுரிபவர்களும் இதை செய்யலாம். இதனால் ஏற்படும் இடுப்பெலும்பு தேய்மானம், முதுகு தண்டு தேய்மானம், அதனால் ஏற்படும் வலி ஆகியவற்றிலிருந்து பாதுகாப்பு தரும். இந்த ஆசனம் செய்து வந்தால் கழுத்துப்பட்டை மற்றும் இடுப்பு பட்டை அணிவதிலிருந்து விடுதலை கிடைக்கும்.
    Next Story
    ×