என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
குழந்தை பராமரிப்பு
வைட்டமின் டி3 குறைபாட்டால் பாதிக்கப்படும் குழந்தைகள்... நிவர்த்தி செய்வது எப்படி?
- வைட்டமின் டி3 குறைபாட்டை நிவர்த்தி செய்தால், குழந்தை பருவத்திலேயே கிட்டப்பார்வை பாதிப்பை குறைக்க முடியும்.
- குழந்தைகள் தினமும் குறைந்தபட்சம் 90 நிமிடங்கள் சூரிய ஒளி உடலில் படும்படியான செயல்பாடுகளில் ஈடுபட வேண்டும்.
குழந்தைகள் தங்கள் பொழுதுபோக்கு அம்சங்களுக்கு டிஜிட்டல் சாதனங்களையே சார்ந்திருக்கும் நிலை உள்ளது. செல்போனில் அதிக நேரம் செலவிடும் குழந்தைகள் பார்வை குறைபாடு பிரச்சினைக்கு ஆளாகிறார்கள். அதற்கு செல்போன் போன்ற டிஜிட்டல் சாதனங்கள் மட்டும் காரணமில்லை. உடலில் சூரிய கதிர்வீச்சுகள் படாமல் வீட்டுக்குள்ளேயே முடங்கி கிடக்கும் குழந்தைகள் வைட்டமின் டி3 குறைபாட்டுக்கு ஆளாகிறார்கள் என்பது ஆய்வில் தெரியவந்துள்ளது. உடலில் வைட்டமின் டி3 குறைவது கிட்டப்பார்வைக்கு மூலகாரணமாக அமையும் என்று அந்த ஆய்வு சுட்டிக் காட்டியுள்ளது.
இது தொடர்பான ஆய்வுக்கு 51 பேர் உட்படுத்தப்பட்டனர். அவர்களில் 31 பேர் ஆண்கள், 20 பேர் பெண்கள். இவர்கள் அனைவரும் 8 முதல் 14 வயதுக்குட்பட்டவர்கள். ஆய்வின் முடிவில் 38 பேருக்கு வைட்டமின் டி3 அளவு குறைவாக இருப்பது கண்டறியப்பட்டது. இந்த குறைபாடு கிட்டப்பார்வைக்கு வித்திடும். தினமும் உடலுக்கு தேவையான வைட்டமின் டி3 அளவை பெறுவதற்கு சூரிய ஒளி அவசியமானது. குழந்தைகள் தினமும் குறிப்பிட்ட நேரம் வெளிப்புற விளையாட்டில் ஈடுபடுவதன் மூலம் உடலுக்கு தேவையான வைட்டமின் டி3 அளவை சூரியக்கதிர்கள் மூலம் பெற்றுவிடலாம் என்பது மருத்துவர்களின் கருத்தாக இருக்கிறது.
''வைட்டமின் டி3 குறைபாட்டை நிவர்த்தி செய்தால், குழந்தை பருவத்திலேயே கிட்டப்பார்வை பாதிப்பை குறைக்க முடியும். பார்வைக்குறைபாடு மட்டுமின்றி பிற உடல் நல சிக்கல்களுக்கும் வைட்டமின் டி குறைபாடு வழிவகுக்கும். அதனை தவிர்க்க குழந்தைகள் தினமும் குறைந்தபட்சம் 90 நிமிடங்கள் சூரிய ஒளி உடலில் படும்படியான செயல்பாடுகளில் ஈடுபட வேண்டும். அது விளையாட்டாகவோ, உடற்பயிற்சியாகவோ இருக்கலாம். குழந்தைகள் வெயில் படும்படியான சூழலில் போதுமான நேரத்தை செலவிடுகிறார்களா? என்பதை பெற்றோர் உறுதிப்படுத்த வேண்டும்'' என்கிறார், ஐதராபாத்தை சேர்ந்த கண் மருத்துவர் சவுமியா.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்