பங்குனி உத்திரத் திருவிழா: காமதேனு வாகனத்தில் தெப்பக்குளம் மாரியம்மன் || Teppakulam mariamman temple Panguni Festival

மதுரை தெப்பக்குளம் மாரியம்மன் கோவிலில் நடைபெற்று வரும் பங்குனி உத்திரத் திருவிழாவின் 2-ம் நாளில் காமதேனு வாகனத்தில் சரஸ்வதி அலங்காரத்தில் அம்மன் பக்தர்களுக்கு அருள்பாலித்தார்.

காமதேனு வாகனத்தில் சரஸ்வதி அலங்காரத்தில் பக்தர்களுக்கு அருள்பாலித்த அம்மன்.

மதுரை காமராஜர் சாலை தெப்பக்குளம் பகுதியில் அமைந்துள்ள மாரியம்மன் கோவில் மீனாட்சி அம்மன் கோவிலை சார்ந்த உபகோவிலாகும். இந்த கோவிலில் பங்குனி திருவிழா வருகிற 25-ந் தேதி தொடங்கியது. இந்த திருவிழா அடுத்த மாதம் 3-ந் தேதி வரை 10 நாட்கள் நடக்கிறது.

மதுரை தெப்பக்குளம் மாரியம்மன் கோவிலில் நடைபெற்று வரும் பங்குனி உத்திரத் திருவிழாவின் 2-ம் நாளான நேற்று காமதேனு வாகனத்தில் சரஸ்வதி அலங்காரத்தில் அம்மன் பக்தர்களுக்கு அருள்பாலித்தார். இதில் திரளான பக்தர்கள் கலந்து கொண்டு தரிசனம் செய்தனர்.

விழாவில் சிகர நிகழ்ச்சியான பூப்பல்லக்கு ஏப்ரல் மாதம் 1-ந் தேதி நடக்கிறது. விழா ஏற்பாடுகளை மீனாட்சி அம்மன் கோவில் தக்கார் கருமுத்து கண்ணன், இணை கமிஷனர் செல்லத்துரை ஆகியோர் செய்து வருகிறார்கள்.