கும்பகோணம் சாரங்கபாணி கோவிலில் திருக்கல்யாண உற்சவம்

கும்பகோணத்தில் உள்ள சாரங்கபாணி கோவிலில் ஒவ்வொரு ஆண்டும் பங்குனி மாதத்தில் பங்குனி உத்திர பிரம்மோற்சவம் நடைபெறுவது வழக்கம். பத்து நாட்கள் நடைபெறும் இந்த உற்சவம் கடந்த 9-ந்தேதி கொடியேற்றத்துடன் தொடங்கியது. விழாவில் தினமும் பல்வேறு வாகனங்களில் சாமி வீதி உலா நடைபெற்றது.

விழாவின் முக்கிய நிகழ்ச்சியான திருக்கல்யாணம் உற்சவம் நேற்று இரவு நடைபெற்றது. பெருமாள்-கோமளவள்ளி தாயார் ஊஞ்சலில் அமர்ந்து மாலை மாற்றும் நிகழ்ச்சி நடைபெற்றது. தொடர்ந்து திருக்கல்யாண உற்சவம் நடைபெற்றது. இதில் திரளான பக்தர்கள் கலந்து கொண்டு பெருமாள் தாயாரை வழிபட்டனர். இதற்கான ஏற்பாடுகளை கோவில் பணியாளர்கள் மற்றும் அறநிலையத்துறை அதிகாரிகள் செய்திருந்தனர்.