திருவிசநல்லூரில் உள்ள சிவகாம சுந்தரி அம்பிகா சமதே சிதம்பரேஸ்வரர் கோவிலில் பஞ்சமுக மகாமங்கல பிரத்யங்கிராதேவி சன்னதி உள்ளது. இங்கு பஞ்சமுக பிரத்யங்கிரா தேவி 9 அடி உயரத்தில் 5 முகத்துடன் அருள்பாலிக்கிறார்.
பல்வேறு சிறப்புகள் பெற்ற இந்த கோவிலில் மாதந்தோறும் அமாவாசையன்று நிகும்பலா மகாயாகம் நடைபெறுவது வழக்கம். நாளை(வெள்ளிக்கிழமை) ஆனி அமாவாசையை முன்னிட்டு காலை 11 மணி முதல் மதியம் 2 மணி வரை நிகும்பலாயாகம் நடக்கிறது. தொடர்ந்து அம்மனுக்கு புஷ்ப அலங்காரம் செய்யப்பட்டு மகாதீபாராதனை நடைபெறுகிறது.
மேலும் ஏகதின லட்சார்ச்சனை பெருவிழாவும் நடக்கிறது. லட்சார்ச்சனையில் பங்கு பெறும் அனைவருக்கும் பூஜிக்கப்பட்ட வெள்ளிடாலர் வழங்கப்படுகிறது. நாளை காலை 7 மணி முதல் இரவு 8 மணி வரை நடக்கிறது. லட்சார்ச்சனை மற்றும் நிகும்பலா யாக பூஜைகளை கோவில் அர்ச்சகர் கணேஷ்குமார் தலைமையில் 10-க்கும் மேற்பட்ட சிவாச்சாரியார்கள் செய்துள்ளனர்.
இந்த நிகும்பலா யாகத்தில் பங்கேற்றால் எதிரிகள் தொல்லை, பில்லி, சூனியம், கண்திருஷ்டி, போட்டி, பொறாமை, ஜாதக தோஷங்கள், கிரக தோஷங்கள் நிவர்த்தியாகும் என்பது நம்பிக்கை. இதில் ஆயிரக்கணக்கான பக்தர்கள் கலந்து கொண்டு வழிபடுவர்.
