வெற்றிக் கணக்கை தொடங்கும் ஆர்வத்தில் சேப்பாக் சூப்பர் கில்லீஸ்... சேலம் அணிக்கு எதிரான ஆட்டத்தில் பேட்டிங் தேர்வு

கோவை:

டி.என்.பி.எல். கிரிக்கெட் தொடரின் 2-வது லீக் ஆட்டம் கோவையில் இன்று இரவு நடக்கிறது. இப்போட்டியில் ஜெகதீசன் தலைமையிலான சேப்பாக் சூப்பர் கில்லீஸ், அபிஷேக் தன்வார் தலைமையிலான சேலம் ஸ்பார்டன்ஸ் அணிகள் மோதுகின்றன. இப்போட்டியில் டாஸ் வென்ற சேப்பாக் சூப்பர் கில்லீஸ் அணி பேட்டிங்கை தேர்வு செய்தது.

4 முறை சாம்பியனான சேப்பாக் சூப்பர் கில்லீஸ் வெற்றியுடன் கணக்கை தொடங்கும் ஆர்வத்தில் உள்ளது. அந்த அணியில் கேப்டன் ஜெகதீசன், பாபா அபராஜித், சஞ்சய் யாதவ், ஆர்.சதீஷ், சசிதேவ், சிலம்பரசன் உள்ளிட்ட சிறந்த வீரர்கள் உள்ளனர்.

சேலம் அணியில் கவுசிக் காந்தி, அபிஷேக், கணேஷ் மூர்த்தி உள்ளிட்ட சிறந்த வீரர்கள் உள்ளனர். இரு அணிகளும் முதல் போட்டியிலேயே வெற்றி பெற கடுமையாக போராடும் என்பதால் இந்த ஆட்டம் விறுவிறுப்பாக இருக்கும் என்று எதிர்பார்க்கப்படுகிறது.