ஐபிஎல் கிரிக்கெட்டில் இன்று 55வது லீக் ஆட்டம் இன்று (மே 09) நடைபெற்றது. இந்தப் போட்டியில் சென்னை சூப்பர் கிங்ஸ் அணியும் டெல்லி கேபிட்டல் அணியும் மோதின. இப்போட்டி சென்னை சேப்பாக்கம் மைதானத்தில் நடந்தது.
டாஸ் வென்ற சிஎஸ்கே பேட்டிங்கை தேர்வு செய்தது. நிர்ணயிக்கப்பட்ட 20 ஓவர்களில் சிஎஸ்கே 8 விக்கெட் இழப்புக்கு 167 ரன்களை குவித்தது. இதனையடுத்து ஆடிய டெல்லி அணி 20 ஓவர்களில் 8 விக்கெட் இழப்புக்கு 140 ரன்கள் மட்டுமே எடுத்து தோல்வியை தழுவியது.
இந்நிலையில் வெற்றியை தேடுபவர்களுக்கு மத்தியில் வெற்றிக்கு விலாசம் கொடுத்த மாமன்னன் மஹி என ஹர்பஜன் சிங் தமிழில் டுவீட் செய்துள்ளார்.
சிஎஸ்கே முன்னாள் வீரர் ஹர்பஜன் சிங் வெளியிட்ட டுவிட் பதிவில் கூறியிருப்பதாவது:-
எத்தனை அரசர்கள் இருக்கிறார்கள் என்பதைவிட. எப்படிப்பட்ட அரசன் இருக்கிறார் என்பதே முக்கியம். மஞ்சள் ஆடை சூடிய சந்தன கருப்பு எம்.எஸ்.டோனி முன் டெல்லி கேபிட்டல்ஸ் மட்டும் தப்ப முடியுமா. வெற்றியை தேடுபவர்களுக்கு மத்தியில்.,வெற்றிக்கு விலாசம் கொடுத்த மாமன்னன் மஹி!"
என்று குறிப்பிட்டுள்ளார்.
