சென்னை:
ஐபிஎல் கிரிக்கெட் தொடர் தொடங்க இன்னும் ஓரிரு தினங்களே உள்ள நிலையில், வீரர்கள் தீவிர பயிற்சியில் ஈடுபட்டுள்ளனர். அடுத்த மாதம் 3-ந் தேதி லக்னோ அணிக்கு எதிரான போட்டியில் டோனி தலைமையிலான சென்னை சூப்பர் கிங்ஸ் அணி சேப்பாக்கம் மைதானத்தில் மோதுகிறது.
சென்னை சூப்பர் கிங்ஸ் அணி 3 ஆண்டுகளுக்கு பிறகு சேப்பாக்கம் மைதானத்திற்கு திரும்பி உள்ளதால் ரசிகர்கள் பெரும் எதிர்பார்ப்புடன் உள்ளனர். சென்னை ரசிகர்களை மகிழ்விக்கும் வகையில் சிஎஸ்கே அணியின் நிர்வாகம் சென்னை அணி வீரர்கள் பயிற்சி செய்யும் வீடியோவை அவ்வப்போது டுவிட்டர் மற்றும் இன்ஸ்டாகிராமில் பதிவிடுகிறது. முக்கியமாக தல டோனியின் வீடியோவை சென்னை ரசிகர்கள் கொண்டாடி மகிழ்கின்றனர்.
மேலும் சிஎஸ்கே அணி நிர்வாகம் ரசிகர்கள் பயிற்சியை பார்ப்பதற்காக அனுமதி வழங்கியுள்ளது. பயிற்சியை ஏராளமான ரசிகர்கள் கண்டுகளித்தனர். நேற்றைய பயிற்சியின்போது டோனி மெகா சிக்சர் அடித்தார். இதனைப் பார்த்த ரசிகர்கள் ஆரவாரம் செய்து உற்சாகப்படுத்தினர். இதுதொடர்பான வீடியோவை சிஎஸ்கே வெளியிட்டுள்ளது.
