search icon
என் மலர்tooltip icon

    கிரிக்கெட்

    சாம் கர்ரன் அபார பந்துவீச்சு - ஆப்கானிஸ்தானை 5 விக்கெட் வித்தியாசத்தில் வென்றது இங்கிலாந்து
    X

    5 விக்கெட் வீழ்த்திய சாம் கர்ரன்

    சாம் கர்ரன் அபார பந்துவீச்சு - ஆப்கானிஸ்தானை 5 விக்கெட் வித்தியாசத்தில் வென்றது இங்கிலாந்து

    • முதலில் ஆடிய ஆப்கானிஸ்தான் 112 ரன்களில் சுருண்டது.
    • இங்கிலாந்தின் சாம் கர்ரன் 5 விக்கெட் கைப்பற்றி அசத்தினார்.

    பெர்த்:

    டி20 உலகக் கோப்பை தொடரின் சூப்பர்-12 சுற்று இன்று தொடங்கியது. இதில் இங்கிலாந்து, ஆப்கானிஸ்தான் அணிகள் மோதின. டாஸ் வென்ற இங்கிலாந்து அணி பீல்டிங் செய்ய முடிவு செய்தது.

    அதன்படி, முதலில் ஆடிய ஆப்கானிஸ்தான் அணி 19.4 ஓவரில் 112 ரன்களில் சுருண்டது. இப்ராகிம் சட்ரன் 32 ரன்களும், உஸ்மான் கனி 30 ரன்களும் எடுத்தனர்.

    இங்கிலாந்து சார்பில் சாம் கர்ரன் 5 விக்கெட்டும், பென் ஸ்டோக்ஸ், மார்க் வுட் தலா 2 விக்கெட்டும் வீழ்த்தினர்.

    இதையடுத்து, 113 ரன்கள் எடுத்தால் வெற்றி என்ற இலக்குடன் இங்கிலாந்து களமிறங்கியது. தொடக்க ஆட்டக்காரர் அலெக்ஸ் ஹேல் 19 ரன்னும், ஜோஸ் பட்லர் 18 ரன்னும், பென் ஸ்டோக்ஸ் 2 ரன்னிலும் அவுட்டாகினர். டேவிட் மலான் 18 ரன்னிலும், புரூக் 7 ரன்னிலும் ஆட்டமிழந்தனர்.

    அடுத்து இறங்கிய லிவிங்ஸ்டோன் பொறுப்புடன் ஆடி அணியை வெற்றிப் பாதைக்கு அழைத்துச் சென்றார்.

    இறுதியில், இங்கிலாந்து அணி 18.1 ஓவரில் 5 விக்கெட் இழப்புக்கு 113 ரன்களை எடுத்து வெற்றி பெற்றது. லிவிங்ஸ்டோன் 29 ரன்னுடன் ஆட்டமிழக்காமல் உள்ளார்.

    Next Story
    ×