என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
கிரிக்கெட்
அலெக்ஸ் கேரி, கேமரூன் க்ரீன் அபாரம் - முதல் ஒருநாள் போட்டியில் நியூசிலாந்தை வீழ்த்தியது ஆஸ்திரேலியா
- முதலில் ஆடிய நியூசிலாந்து அணி 232 ரன்கள் எடுத்துள்ளது.
- அடுத்து ஆடிய ஆஸ்திரேலியா 233 ரன்கள் எடுத்து வெற்றி பெற்றது.
கெய்ர்ன்ஸ்:
நியூசிலாந்து அணி 3 போட்டிகள் கொண்ட ஒருநாள் தொடரில் பங்கேற்பதற்காக ஆஸ்திரேலியா சென்றுள்ளது.
முதலாவது ஒருநாள் போட்டி ஆஸ்திரேலியாவின் கெய்ர்ன்ஸில் இன்று நடைபெற்றது. டாஸ் வென்ற ஆஸ்திரேலியா பந்துவீசுவதாக அறிவித்தது.
அதன்படி, முதலில் ஆடிய நியூசிலாந்து நிர்ணயிக்கப்பட்ட 50 ஓவரில் 9 விக்கெட்டுக்கு 232 ரன்கள் எடுத்தனர். கான்வே 46 ரன்னும், வில்லியம்சன் 45 ரன்னும், லாதம் 43 ரன்னும் எடுத்தனர்.
ஆஸ்திரேலியா சார்பில் மேக்ஸ்வெல் 4 விக்கெட்டும், ஹேசில்வுட் 3 விக்கெட்டும், ஸ்டார்க், ஆடம் ஜாம்பா தலா 1 விக்கெட்டும் எடுத்தனர்.
இதையடுத்து, 233 ரன்கள் எடுத்தால் வெற்றி என்ற இலக்குடன் ஆஸ்திரேலிய அணி களமிறங்கியது. நியூசிலாந்து பந்து வீச்சாளர்கள் தொடக்கத்தில் அசத்தலாக பந்து வீசினர். இதனால் 44 ரன்களுக்குள் 5 விக்கெட்டுகளை இழந்து தத்தளித்தது.
அடுத்து இறங்கிய அலெக்ஸ் கேரி, கேமரூன் கிரீன் ஆகியோர் நிதானமாக ஆடி அரை சதமடித்தனர். இந்த ஜோடி 6வது விக்கெட்டுக்கு 158 ரன்கள் சேர்த்தது. அலெக்ஸ் கேரி 85 ரன்னில் அவுட்டானார்.
இறுதியில், ஆஸ்திரேலியா அணி 8 விக்கெட் இழப்புக்கு 233 ரன்களை எடுத்து வெற்றி பெற்றது. கிரீன் 89 ரன்னுடன் ஆட்டமிழக்காமல் உள்ளார்.
நியூசிலாந்து சார்பில் போல்ட் 4 விக்கெட்டும், மேட் ஹென்றி, பெர்குசன் தலா 2 விக்கெட் வீழ்த்தினர். இதன்மூலம் ஆஸ்திரேலியா அணி ஒருநாள் தொடரில் 1-0 என முன்னிலை வகிக்கிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்