ரெடியா..? ரசிகர்களிடம் கேள்வி எழுப்பிய லோகேஷ் கனகராஜ்- எகிறும் எதிர்பார்ப்பு

லோகேஷ் கனகராஜ் இயக்கத்தில் விஜய் நடிப்பில் உருவாகி வரும் படம் 'லியோ'. இப்படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரிக்க, அனிருத் இசையமைக்கிறார். இதில் அர்ஜுன், சஞ்சய் தத், திரிஷா, பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், சாண்டி, மேத்யூ தாமஸ் ஆகியோர் முக்கிய கதாபாத்திரத்தில் நடிக்கின்றனர்.

இப்படத்தின் படப்பிடிப்பு இறுதி கட்டத்தை நெருங்கி வருகிறது. இப்படம் வெளியீட்டிற்கு முன்பே இசை, வெளியீடு, ஓடிடி உரிமம் என ரூ.350 கோடிக்கு மேல் வசூல் செய்துள்ளதாக கூறப்படுகிறது.

இந்நிலையில், இயக்குனர் லோகேஷ் கனகராஜின் சமூக வலைதளப் பதிவு தற்போது வைரலாகி வருகிறது. அதாவது, லோகேஷ் கனகராஜ் 'ரெடியா?' என்று பதிவிட்டுள்ளார். இந்த பதிவு ரசிகர்கள் மத்தியில் எதிர்பார்ப்பை அதிகப்படுத்தி வருகிறது. மேலும், இதற்கு முதல் பாடல் குறித்த அறிவிப்பு வெளியாகவுள்ளதாக ரசிகர்கள் கமெண்ட் செய்து வருகின்றனர்.

Ready ah?

— Lokesh Kanagaraj (@Dir_Lokesh) June 16, 2023