அஜித்தின் `ஓ சோனா' பாடலை பாடி Vibe செய்த SK - வைரல் வீடியோ

நடிகர் அஜித் குமார் மற்றும் இயக்குநர் ஆதிக் ரவிச்சந்திரன் கூட்டணியில் உருவாகி இருக்கும் திரைப்படம் குட் பேட் அக்லி. இந்தப் படத்தில் அஜித் குமாருடன் திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலரும் முக்கிய கதாபாத்திரங்களில் நடித்துள்ளனர்.

மைத்ரி மூவி மேக்கர்ஸ் நிறுவனம் தயாரித்துள்ள இந்தப் படத்திற்கு ஜி.வி. பிரகாஷ் இசையமைத்துள்ளார். 'குட்பேட் அக்லி' திரைப்படம் வருகிற ஏப்ரல் மாதம் 10-ம் தேதி வெளியாகவுள்ளது. படத்தின் மீதுள்ள எதிர்ப்பார்ப்பு நாளுக்கு நாள் அதிகரித்து வருகிறது.

இந்நிலையில் நடிகர் சிவகார்த்திகேயன் வாலி திரைப்படத்தில் இடம் பெற்ற ஓ சோனோ பாடலை அவரின் நண்பர்களுடன் பாடி மகிழ்ந்த வீடியோ இணையத்தில் வெளியாகியுள்ளது. இந்த வீடியோ தற்பொழுது சமூக வலைத்தளங்களில் வைரலாகி வருகிறது. இதில் இயக்குநர் அருண்ராஜா காமராஜ் இடம் பெற்றுள்ளது குறிப்பிடத்தக்கது.

சிவகார்த்திகேயன் நடிப்பில் ஏ.ஆர் முருகதாஸ் இயக்கத்தில் மதராஸி திரைப்படம் வெளியாக இருக்கிறது. அதைத்தொடர்ந்து சுதா கொங்கரா இயக்கத்தில் பராசக்தி திரைப்படத்தில் நடித்து வருகிறார் என்பது குறிப்பிடத்தக்கது.